Memphis Depay ende nuk e di nëse do të mbetet te Barcelona edhe për një vit apo do të largohet.

Sulmuesi holandez ka kontratë me katalunasit edhe një vit, derisa viti i tij i parë ishte i vështirë.

28-vjeçari kishte probleme me lëndime, derisa zhvilloi 38 ndeshje zyrtare në të gjitha garat.

Reprezentuesi holandez shënoi 13 gola e asistoi në 12 të tjerë, por ai nuk preferohet shumë nga trajneri Xavi Hernandez.

Kësisoj katalunasit po e vlerësojnë situatën me afrimet e mundshme këtë verë dhe nëse marrin lojtarët e preferuar do ta nxjerrin në shitje holandezin.

Barcelona ia cakton çmimin Depayt Barcelona ia cakton çmimin Depayt

Gjithsesi tri skuadrat e mëdha evropiane Inter, Juventus dhe Arsenal po e monitorojnë gjendjen e holandezit para se të bëjnë hapa konkret për transferimin e tij.

Katalunasit synojnë të fitojnë rreth 20 milionë euro nga shitja e ish-anëtarit të Lyonit dhe Manchester Unitedit. /Telegrafi/