Vinicius synon të shkaktojë revolucion në botën e futbollit – raportohet se ka pranuar ofertën e Al Hilal

Në një zhvillim befasues, Vinicius Junior raportohet ka hapur dyert për një transferim të mundshëm në Arabinë Saudite, ku mund të bashkohet me Al-Hilal, klubin ku është transferuar së fundmi bashkëkombësi i tij – Neymar.

Ky zhvillim vjen pas një prezantimi unik të projektit ambicioz të Al-Hilal, i cili iu paraqit sulmuesit brazilian në një ekran të madh, raporton FootMercato.

Sipas burimeve të mediumit francez, qeveria saudite është e interesuar të sjellë yllin e ri në Ligën Pro të Arabisë Saudite, duke i ofruar atij një kontratë prej katër vitesh me një pagë që kurrë nuk është parë më parë në historinë e futbollit.

Ndërsa detajet e pakos financiare mbeten të panjohura, burime të brendshme sugjerojnë se ajo mund të vendosë standarde të reja në kompensimin e lojtarëve.

Vinicius Jr. është duke treguar interesim për këtë ofertë, me indikacione se ai do ta shqyrtonte një transferim në vitin 2026.

Ky afat përputhet me angazhimet e tij aktuale në Evropë, ku ai është një lojtar kyç për Real Madridin.

Perspektiva e luajtjes së bashku me Neymarin në Al-Hilal ka shtuar vetëm më shumë tërheqje në këtë lëvizje.

Ndërsa liga saudite vazhdon të tërheqë talentët global me investimet e saj ambicioze, shtimi i një lojtari të kalibrit të Viniciusit do të ngrinte padyshim profilin e ligës edhe më shumë.

Ndërsa tifozët presin me padurim një vendim, bota e futbollit mbetet për të spekuluar mbi ndikimin që ky transferim i mundshëm mund të ketë në karrierat e Vinicius Jr. dhe Neymar, si dhe në të ardhmen e futbollit në Arabinë Saudite. /Telegrafi/