Interi ka grumbulluar vetëm 13 pikë në nëntë ndeshje të Serie A gjatë vitit 2022, ashtu që sezoni i kampionit po kalon nëpër një periudhë të vështirë.

Nerazzurrët nuk janë më liderë të tabelës dhe madje edhe nëse e fitojnë ndeshjen e mbetur ndaj Bolognas do të mbeten një pikë prapa rivalit të qytetit, Milan.

Zikaltrit i fituan gjashtë sfidat e fundit të vitit 2021 duke shënuar 17 gola dhe duke mos pranuar asnjë, ndërsa gjërat u përmbysën në vitin pasues duke arkëtuar vetëm 13 pikë në nëntë takime.

Ndërkohë, Juventusi ka grumbulluar 22 pikë në këtë periudhë (më mirë se cilido klub në Serie A), një më shumë sesa Napoli dhe Milani.

(Foto: Twitter/Inter)

Ekipi i Simone Inzaghit ka dështuar si pasojë e mungesës së golave nga sulmuesit, me Lautaro Martinezin që i realizoi katër golat e parë të vitit në javën e kaluar, derisa statistikë të njëjtë ka edhe Edin Dzeko, i cili që nga janari i ka realizuar vetëm katër gola në nëntë paraqitje në Serie A.

Qëndrueshmëria në mbrojtje është vënë po ashtu në dyshim, pasi në muajt e parë të vitit 2022, zikaltrit kanë zhvilluar vetëm tri ndeshje pa pranuar gol, derisa i kanë pranuar tetë gola në total në këtë periudhë.

Interi po paguan një çmim të lartë për gabimi trashanik që e bëri në janar Interi po paguan një çmim të lartë për gabimi trashanik që e bëri në janar

Interi e fitoi Superkupën e Italisë në janar ndaj Juventusit, mirëpo u eliminua nga Liverpooli në të tetën e finales në Ligën e Kampionëve.

Kampioni në fuqi i Serie A është i prirë të vuajë kur luan pa Marcelo Brozovicin dhe ka fituar vetëm një pikë në dy takime, ku mungoi mesfushori. La Gazzetta dello Sport i ka kushtuar vëmendje mungesës së kroatit, derisa e konsideron të gabuar vendimin për huazimin e Stefano Sensit te Sampdoria në afatin e janarit. /Telegrafi/