Paolo Maldini dhe Dani Alves janë dy futbollistët që kanë fituar më shumë Superkupën e Evropës në histori të futbollit.

Sot zhvillohet finalja e madhe e Superkupës së Evropës me fillim nga ora 21:00 në Vodafone Arena të Stambollit.

Liverpooli dhe Chelsea janë dy klubet që do të ndeshen për të fituar titullin e ekipit më të mirë të sezonit të Evropë.

Të gjitha lajmet rreth Superkupës së Evropës Të gjitha lajmet rreth Superkupës së Evropës

Ky trofe është shumë domethënës për ekipet, por edhe për lojtarët pasi ka peshë të madhe.

UEFA ka publikuar disa statistika me fituesit më të mëdhenj në histori të Superkupës së Evropës, ku kryesojnë Maldini dhe Alves me nga katër herë.

Maldini e ka fituar këtë trofe në katër raste me Milanin gjatë viteve 1989, 1990, 1994, 2003.

Në anën tjetër, Alvesi e ka fituar me Sevillan më 2006 dhe me Barcelonën (2009, 2011, 2015).

Ky rekord mund të barazohet sot nëse Pedro e fiton këtë trofe me Chelsean, pasi e ka fituar tri herë në të kaluarën me Barcelonën (2009, 2011, 2015), ku më 2009 ishte edhe shënues ndaj Shakhtar Donetsk. /Telegrafi/

Pedro mund ta barazojë rekordin e Maldinit dhe Alvesit