Lista e plotë e transferimeve më të shtrenjta në histori të Ligës Premier, Enzo Fernandez thyen rekordin

Enzo Fernandez është bërë lojtari më i shtrenjtë i Ligës Premier pasi përfundoi një lëvizje të minutës së fundit nga Benfica te Chelsea në ditën e fundit të transferimit të janarit, ndërsa në ‘top 15-shen’ e transferimeve më të shtrenjta në histori, Romelu Lukaku gjendet dy herë.

Chelsea ka kompletuar nënshkrimin e mesfushorit fitues të Kupës së Botës, Enzo Fernandez nga Benfica për 105 milionë funte apo 120 milionë euro.

Ylli 22-vjeçar argjentinas është bërë lojtari më i shtrenjtë i historisë së Ligës Premier pasi mbërriti në Stamford Bridge vonë në ditën e fundit.

Lexo po ashtu Enzo Fernandez prezantohet zyrtarisht te Chelsea

Fernandez iu bashkua Mykhaylo Mudryk, Joao Felix, Benoit Badashile, Malo Gusto, Andrey Santos, Noni Madueke dhe David Datro Fofana në Chelsea.

Argjentinasi tani kryeson gjithashtu listën mahnitëse të transferimeve më të shtrenjta në histori të Ligës Premier, por kush janë 10 futbollistët më të shtrenjtë deri tani.

Faqja sportive britanike Mirror Football ka publikuar një artikull me lojtarët më të shtrenjtë dhe me shifrat që janë paguar për ta, ku në listë nuk mungojnë emra si Jack Grealish, Paul Pobga dhe Romelu Lukaku.

Enzo Fernandez

Nga Benfica në Chelsea, 120 milionë euro, janar 2023

Fernandez doli në skenë në Kupën e Botës në fund të vitit 2022 dhe paraqitjet e tij për klubin dhe kombëtaren ishin të mjaftueshme për të bindur Chelsean të vendoste një rekord të ri transferimi në Ligën Premier për ta rrëmbyer atë nga gjigantët portugez Benfica.

Ai fitoi çmimin e Lojtarit më të mirë të ri të Turneut në Katar, kështu që ka shumë pritje për cilësinë që do të sjellë në ligën angleze.

Jack Grealish

Nga Aston Villa në Manchester City, 117.50 milionë euro, gusht 2021

Grealish nuk është në krye të lojës. Kampionët e Ligës Premier zgjodhën të forcojnë më tej skuadrën e tyre me blerjen e mesfushorit-sulmues të Villas, i cili i ndihmoi ata të ruanin titullin e tyre, por nuk e ka arritur ende ta përmbush çmimin e tij të paguar në Etihad Stadium.

Romelu Lukaku

Nga Inter në Chelsea, 113 milionë euro, gusht 2021

Vetëm një javë pasi City theu shifrën për një tarifë transferimi, Chelsea e ktheu ish-sulmuesin e tyre në klub në një marrëveshje po aq të madhe.

Reprezentuesi belg supozohej të ishte pjesa e fundit e enigmës për skuadrën e Thomas Tuchel, por sezoni i tij i parë ishte një zhgënjim i madh. Tuchel u shkarkua më herët këtë sezon me Lukakun që u kthye në Inter në formë huazimi.

Paul Pogba

Nga Juventus në Manchester United, 105 milionë euro, gusht 2016

Një tjetër ribashkim me një ish klub që nuk shkoi sipas planit. Reputacioni i Pogbas si një nga mesfushorët më të mirë në Evropë nuk u rrit gjatë kohës së tij në Old Trafford pasi shumë shpesh ai ishte në periferi.

Reprezentuesi francez u kthye në Juventus si një transferim i lirë në verën e vitit 2022.

Antony

Nga Ajax në Manchester United, 95 milionë euro, gusht 2022

Sulmuesi brazilian ka treguar shkëlqim që nga ardhja verën e kaluar, por ai nuk ka arritur të përballojë çmimin e tij në Old Trafford.

Një sezon i ndërprerë nga Kupa e Botës “Katar 2022” mund të japë disa shpjegime, por nga 22-vjeçari pritet më shumë.

Harry Maguire

Nga Leicester City në Manchester United, 90 milionë euro, gusht 2019

Nuk ka qenë e thjeshtë për reprezentuesin anglez pas çmimit të paguar për të. Mbrojtësi më i shtrenjtë në historinë e Ligës Premier u vu nën vëzhgim intensiv sezonin e kaluar dhe ka qenë në stol për pjesën më të madhe të këtij sezoni, duke luftuar për të përsëritur paraqitjet e tij të palëkundura të Tre Luanëve për Djajtë e Kuq.

Wesley Fofana

Nga Leicester City në Chelsea, 90 milionë euro, gusht 2022

Qendërmbrojtësi francez mbërriti në verë pasi Antonio Rudiger dhe Andreas Christensen u larguan për tek Real Madrid dhe Barcelona.

22-vjeçari ka luajtur vetëm katër herë për klubin e tij të ri, me një dëmtim në gju që e mban jashtë fushës, duke bërë që Chelsea të blejë Badiashile në afatin e janarit.

Romelu Lukaku

Nga Everton në Manchester United, 84.70 milionë euro, korrik 2017

United pagoi para të mëdha për Lukakun pas sezonit më të mirë të karrierës në Goodison Park, por 42 gola ​​në 96 paraqitje nuk ishte një kthim i arsyeshëm, ishte nën atë që pritej.

Pas një fillimi të shkëlqyeshëm, me më shumë se një të katërtën e golave ​​të tij që erdhën në dy muajt e tij të parë, ai rezultoi keq në fund.

Virgil van Dijk

Nga Southampton në Liverpool, 84.70 milionë euro, janar 2018

Një tentativë e prishur transferimi rezultoi që Liverpooli të priste gjashtë muaj dhe të paguante 10 milionë funte shtesë, por edhe tarifa më e lartë nuk i afrohet vlerës që holandezi i ka dhënë Reds.

Kapiteni i Holandës e ktheu një mbrojtje të mirë në një mbrojtje të shkëlqyer, megjithë problemet e fundit, dhe ai konsiderohet si një nga qendërmbrojtësit më të mirë në botë.

Jadon Sancho

Nga Borussia Dortmund në Manchester United, 82.60 milionë euro, korrik 2021

Rikthimi i 22-vjeçarit në Mançester (edhe pse në pjesën e kuqe) nuk ka qenë aspak i qetë. Ai nuk u ndihmua nga ndryshimi i menaxherit dhe vazhdon të jetë nën nivelet e tij te Djajtë e Kuq.

Nicolas Pepe

Nga Lille në Arsenal, 81.50 milionë euro, gusht 2019

Sulmuesi anësor i Bregut të Fildishtë, në atë kohë 24 vjeç, iu bashkua Gunners për një tarifë rekord klubi, duke eklipsuar shifrën e mbi 60 milionë eurove të shpenzuara për Pierre-Emerick Aubameyang në janar të 2018.

Ai bëri 111 paraqitje për klubin e Londrës veriore, duke shënuar 27 gola dhe duke fituar FA Cup në vitin 2020, përpara se të largohej për t’u bashkuar me Nice në huazim për sezonin 2022-23. Duke pasur parasysh suksesin që Arsenali po shijon pa të në kuadër, është e vështirë të shihet një rrugë kthimi për Pepe.

Darwin Nunez

Nga Benfica në Liverpool, 72.60 milionë euro, qershor 2022

Nunez iu bashkua Liverpoolit për një tarifë fillestare prej 72.60 milionë euro, e cila kishte të bashkangjitura rreth 25 milionë euro tjera bonuse lehtësisht të arritshme, që do të thotë se ai mund të ngjitet në këtë listë në sezonet e ardhshme.

Uruguaiani ka qenë jo-konsistent, por emocionues në sulm për skuadrën e Jurgen Klopp, me 10 gola në 25 paraqitje në një skuadër me vështirësi.

Mykhaylo Mudryk

Nga Shakhtar Donetsk në Chelsea, 70 milionë euro, janar 2023

Mudryk ishte objektivi kryesor i Arsenalit, por përfundoi duke iu bashkuar Chelseat pasi ata mahnitën rivalët e tyre me një ofertë prej 70 milionë euro plus 30 milionë euro tjera bonuse. Prej tij do të pritet shumë.

Casemiro

Nga Real Madrid në Manchester United, 68 milionë euro, gusht 2022

Mesfushori brazilian mbërriti për 68 milionë euro me 10 milionë funte të tjera që duhet të shtohen si bonuse. Pasi mori disa javë për t’u vendosur, ai po ka një efekt transformues në skuadrën e Erik ten Hag. Përveç forcimit të mesfushës, Casemiro ka shënuar gjithashtu katër gola dhe pesë asistime në 28 paraqitje deri më sot.

/Telegrafi/