Ronald Koeman mendon ndryshe nga Quique Stetien që ka thënë se është shumë e vështirë të punosh me Lionel Messit.

Trajneri aktual i Barcelonës ka deklaruar se i beson mentalitetit fitues të argjentinasin dhe nuk sheh ndonjë pengesë në bashkëpunimin me të.

Në javën që shkoi, Setien kishte zbuluar se kishte disa konfrontime me gjashtë herë fituesin e Topit të Artë, madje edhe duke i treguar derën.

Ish-trajneri i Barcelonës, Setien i kishte thënë Messit: Nëse nuk të pëlqen ajo çfarë them, ja ku është dera Ish-trajneri i Barcelonës, Setien i kishte thënë Messit: Nëse nuk të pëlqen ajo çfarë them, ja ku është dera

Por, Koeman është shprehur mjaftë optimist me punën që po bënë 33-vjeçari dhe deri më tani nuk ka hasur në asnjë problem.

“I respektoj të gjitha mendimet. Për mua, Leo është lojtari më i mirë në botë dhe e shoh nga mentaliteti i tij fitues”, ka thënë trajneri holandez para ndeshjes në Ligën e Kampionëve me Dinamo Kievin.

‘Kush jam unë që ta ndryshoj?!’ - Setien pranon se Messi është i vështirë për t’u menaxhuar ‘Kush jam unë që ta ndryshoj?!’ - Setien pranon se Messi është i vështirë për t’u menaxhuar

“Nuk kam asnjë problem me të. Ai është kapiteni dhe unë flas me të çdo javë. I shoh gjërat më ndryshe se Setien, nuk pajtohem me mendimin e tij”, ka shtuar më tej Koeman. /Telegrafi/