Barcelona fiton derbin ndaj Atletico Madridit me golin magjik të Messit

Barcelona e ka fituar derbin e javës së 15-të në La Liga, pasi e ka mposhtur Atletico Madridin në udhëtim me rezultat minimal 1-0.

Los Cholchoneros e filluan mjaftë mirë ndeshje, duke e rrezikuar disa herë portën e Blaugranasëve, por Marc-Andre ter Stegen.

Katalunasit filluan të këndellen më pas, duke e rrezikuar portën e Jan Oblakut me anë të Lionel Messit dhe Luis Suarezit.

Pjesa e parë përfundoi me gola të paprekura, por në të dytën kishim një skenar tjetër.

Barcelona filloi të rrezikonte më shumë portën e Atleticos, por as këta të fundit nuk i ndalin sulmet në drejtim të portës së tyre.

Kampioni në fuqi i La Liga-së arriti ta zhbllokonte rezultatin kur kishin mbetur edhe katër minuta nga koha e rregullt.

Ishte pesë herë fituesi i Topit të Artë ai që e shënoi golin e vetëm në këtë takim, e që befasoi madje edhe Oblakun.

Rezultati në këtë derbi do të ishte më ndryshe, po të mos ishin në portë gjermani dhe slloveni, që ishin në natën e tyre.

Pas javës së 15-të, Barcelona është lider me 31 pikë, aq sa ka edhe Real Madridi në të dytin, ndërsa Atletico gjendet në pozitën e gjashtë me 25 sosh.

Në xhiron e 16-të, skuadra e Ernesto Valverdes do të takohet me Mallorcan, derisa ajo e Diego Simeones do të ketë punë me Villarealin. /Telegrafi/

Atm 0-1 Barca
Who else but the 🐐.
God bless you Messi for blessing my night.#AtletiBarca #Barca pic.twitter.com/EfrHLyZHqB

— 💯Nwa Udumeze💓👌🏐 (@joeselfi) December 1, 2019