Si po i mbron gazetarët e saj media ukrainase që u bë ‘një nga burimet kryesore të informacionit mbi agresionin në Ukrainë’

Ndërsa agresioni rus ndaj Ukrainës vazhdon të intensifikohet, raportimi nga zona e luftës po bëhet gjithnjë e më i vështirë – dhe i rrezikshëm.

Katër gazetarë janë vrarë deri më tani duke raportuar për luftën dhe shumë të tjerë janë plagosur ose të zhdukur.

Gazetarja ukrainase Victoria Roshchyna është zhdukur për më shumë se një javë dhe media e saj beson se ajo po mbahet nga forcat ruse.

Megjithatë, Olga Rudenko, kryeredaktore e Kyiv Independent, tha se gazetari Oleh Baturyn, i cili u rrëmbye javën e kaluar në qytetin juglindor të Ukrainës, Kakhovka, sapo u lirua nga luftëtarët rusë.

Kyiv Independent është një medium mjaft i ri, por ka marrë një vlerësim, për mbulimin e tij të luftës, përcjell Telegrafi.

Lexo po ashtu Pse Mariupol është një objektiv kyç dhe çfarë do të ndodhte nëse ai bie në duart e Rusisë?

“Ai është kthyer nga një startup tre muajsh dhe një relativisht i panjohur në botën perëndimore në një nga burimet kryesore të informacionit mbi agresionin në Ukrainë”, vlerëson shefi i medias së CNN, Brian Stelter.

Rudenko tha se askush në ekipin e saj ende nuk është shënjestruar drejtpërdrejt, por raportimi mbi konfliktin është një “rrezik i përditshëm”.

“Duhet të kujtojmë se ky është një pushtim nga një regjim autoritar që ka shënjestruar vazhdimisht gazetarët dhe mediat për dekada tani”, ka shtuar Rudenko.

Rudenko theksoi se media po mëson ndërsa bëhet fjalë për mbrojtjen e punonjësve të cilët papritmas e kanë gjetur veten korrespondentë të luftës.

Disa nga reporterët e Independent kishin tashmë përvojë pune në një zonë lufte pas aneksimit të Krimesë nga Rusia në 2014. Tani ata po punojnë sërish në vende të rrezikshme, duke përfshirë Kievin.

Lexo po ashtu Ata morën qytetin, pastaj shtëpitë e tyre – rrëfimi i ukrainasve 'që panë dhe filmuan çdo hap' se si rusët gjendeshin çdo ditë e më afër apartamenteve të tyre

Dhe një frikë e madhe e medias është se forcat ruse mund të ndërpresin lidhjet e internetit, duke penguar mundësinë e tyre për të publikuar lajme, përcjell Telegrafi.

“Ne nuk përqendrohemi” në një vend, tha Rudenko. “Ne jemi në vende të ndryshme”.

Puna vazhdon, por ka një vëmendje në shmangien e rreziqeve të panevojshme.

“Ne po u themi gjithashtu gazetarëve se siguria është një përparësi”, tha Rudenko. “Asnjë raportim i ngjarjes nuk ka vlerë sa një jetë njerëzore”.

Por ndikimet psikologjike do të zgjasin pas luftës, paralajmëron Rudenko.

“Thjesht të qenit aty… Në këtë realitet ku ne e mbulojmë këtë tmerr çdo ditë dhe çdo orë”. /Telegrafi/