Musliu: Komisioni hetimor parlamentar për deportimin e gjashtë shtetasve turq ka dështuar (Video)

Deputetja e PDK-së, Ganimete Musliu, që është edhe anëtare e Komisionit hetimor parlamentar për deportimin e gjashtë shtetasve turq nga Kosova 

Musliu, në “Dossier D” në RTV Dukagjini, ka thënë se Presidenti nuk ka mundur të intervistohet për shkak se nuk është krijuar një bazë ligjore.

“Edhe sot në vend që të sqarojmë pikat që na kanë interesuar, kemi filluar intervistim të përsëritshëm edhe me zotin Maxhuni që ka zgjatur më shumë se dy orë”.

Deputetja e PDK-së ka thënë se nënkryetari i Komisionit, Driton Selmanaj gjatë gjithë kohës ka dhënë epilogun e fundit dhe paragjykuar edhe rrjedhën e intervistës.

“U kërkojë falje familjarëve të dëbuarve nga Kosova sepse është bërë shumë politikë dhe është hedhur shumë mjegull për procedurat e depërtimit të familjarëve të tyre”.

Musliu thotë se Selmanaj vazhdimisht ka refuzuar të ballafaqohet me të në ndonjë debat televiziv për t’i ballafaquar argumentet.

“Vlerësoj se ky komision është duke punuar jashtëligjshëm. Ne direkt jemi duke ndërhyrë në drejtësi sepse një draft raport që ka qenë i përpiluar nga një eksperti i huaj që ka përcjellë punën tonë i është dërguar prokurorit”, tha ajo, përcjell Telegrafi.

Deputetja e PDK-së ka thënë se Komisioni hetimor parlamentar për deportimin e gjashtë shtetasve turq nga Kosova ka dështuar

“Ky Komision që nga themelimi nuk ka luajtur ta luaj rolin e tij si komision hetimor parlamentar sepse anëtarët e tij kanë dashur ta përdorin për poena politikë ditor siç kanë bërë edhe sot. Për mendimin tim komisioni ka dështuar’, tha ndër të tjera Ganimete Musliu./Telegrafi/