LAJMI I FUNDIT:

Sprinti final i afatit kalimtar veror: Gjashtë transferimet e mëdha që mund të ndodhin dhe dy tjera me shumë të panjohura

Sprinti final i afatit kalimtar veror: Gjashtë transferimet e mëdha që mund të ndodhin dhe dy tjera me shumë të panjohura

Kanë mbetur edhe 13 ditë, që afati kalimtar i transferimeve të mbyllet, por shumë emra të mëdhenj janë ende në ajër për të ardhmen e tyre.

Kjo verë nuk ka qenë verë e zakonshme, pasi kulmoi me largimin e Lionel Messit drejt PSG-së, gjë që ka mërzitur të gjitha klubet tjerat, të cilat duhet të bëjnë përpjekjet e tyre më të mira që të përforcohen.

Dy emrat që ende spikasin janë Harry Kane dhe Kylian Mbape, por edhe disa të tjerë që mund të ndërrojnë mjedis.

Më poshtë do t’i hedhim një vështrim emrave më të nxehtë të këtij afati kalimtar.

Kylian Mbappe në Real Madrid

Kur duket se ky transferim është më afër se kurrë, drejtuesit e PSG-së zbehin gjithçka. Ata duan ta mbajnë këtë verë. E vërteta është se Real Madridit i duhet një goditje e madhe dhe Mbappé është kandidati i ëndrrave që do të hapte një cikël të ri në klub. Në Paris duan që me çdo kusht të formojë treshen e ëndrrave me Messin dhe Neymarin, por lojtari nuk dëshiron të rinovojë kontratën. Ne do të shohim nëse kjo telenovelë do të zgjidhet, apo do të ketë një bombë të dytë pas asaj të Leo Messit.

Harry Kane në Manchester City

Pep Guardiola e ka kuptuar se i mungon një njeri-gol. Kjo i kushton shumë në zonën e rivalëve. ‘Qytetarët’ kanë bërë blerjen më të shtrenjtë të verës deri më tani me Jack Grealish, një tjetër lojtar i Manchester City por që nuk zgjidh problemet e golit. Kush do t’i zgjidhte ato, do të ishte Harry Kane.

Jules Koundé te Chelsea

Jules Koundé iu prezantua botës si një nga qendërmbrojtësit më interesantë në botë për shkak të projeksionit dhe moshës së tij. Si 22 vjeçar ai llogaritet si aset i mirë për klubet.

Kampionët aktualë të Ligës së Kampionëve, Chelsea,  kanë shprehur dëshirë për francezin. Në anën tjetër Sevillas njihet si klub që blen lirë dhe shet shumë shtrenjtë. Koundé do të sillte një shumë të mirë parash në arkën e Seville nëse Chelsea hedh hapin final.

Dusan Vlahovic te Atlético Madrid

Sulmuesi 21-vjeçar do t’i sjell shumë para arkave të Fiorentinës nëse këta duan ta shesin. Ai ishte blerë vetëm 1 milion euro.

21 gola në 37 ndeshje të Serie A e kanë vënë atë në sytë e Atlético Madridit, të cilët janë të gatshëm të paguajnë deri në 70 milionë euro për sulmuesin ballkanik.

Lautaro Martínez në Tottenham

Nëse Tottenham largon Harry Kane, ata do të vihen me çdo kusht drejt sulmuesit të Interit, Lautaro Martínez.

Lautaro është një profil i ndryshëm nga Kane, por është po aq efektiv në zonë, ku në sezonin e fundit ishte vendimtar në Itali, ku Interit e fitoi Serie A pas dhjetë vitesh.

Duván Zapata dhe Marcus Thuram në Inter

Inter ka larguar disa nga njerëzit më të aftë që ia fituan titullin si: Antonio Conte, Achraf Hakimi dhe Romelu Lukaku.

Ata janë vënë pas Duván Zapatas, si sulmues i parë që mendohet se do të zbarkojë në “Giuseppe Meazza”. Sulmuesi kolumbian përfundon sezonin me shifra të mira te Atalanta.

Nga ana tjetër, klubi po ndjek edhe Thuramin e Borussia Mönchengladbach.

Dy të panjohurat e mëdha:  E ardhmja e Haaland dhe Ronaldo

Mes Cristiano Ronaldos dhe Juventusit, ka një ftohje dhe u flit se lojtari i është afruar Real Madridit, por që u mohua nga të dyja palët.

Ai u flitë se mund të kalojë edhe te PSG. Ende nuk ka asgjë, por e ardhmja e tij duket ende pezull.

Erling Haaland në anën tjetër për talentin që ka, ka shumë klube të interesuara. Bayern Munich dhe Real Madrid janë vënë pas norvegjezit, por mbetet e panjohura e madhe në treg së bashku me portugezin. /Telegrafi/

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Një minutë në fushë kushton 2 milionë euro – dështimi më i madh i Chelseat nga blerjet e fundit

Një minutë në fushë kushton 2 milionë euro – dështimi më i madh i Chelseat nga blerjet e fundit

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Ligue 1
Agjenti i Alphonso Davies godet Bayernin, shpjegon situatën e kanadezit

Agjenti i Alphonso Davies godet Bayernin, shpjegon situatën e kanadezit

Bundesliga
Real Madridi fërkon duart, shumë lojtarë të Man Cityt kthehen të dëmtuar nga kombëtaret

Real Madridi fërkon duart, shumë lojtarë të Man Cityt kthehen të dëmtuar nga kombëtaret

Liga e Kampionëve
Kalo në kategori