Rita Ora flet me shaka për lidhjet e saj të shumta ndër vite, gjersa thotë se nuk ishte asnjëherë e kënaqur deri sa takoi Taika Waititin

Rita Ora ka ndarë me humor detaje rreth historisë së saj të ‘ngjyrshme’ romantike dhe ka pranuar se ka qenë ‘gjithmonë e pakënaqur’ nga marrëdhëniet e saj derisa e takoi bashkëshortin e saj, Taika Waititi.

Këngëtarja 33-vjeçare u martua me regjisorin e saj në një ceremoni sekrete në gusht të vitit 2022, pasi ajo ndryshoi traditën dhe i propozoi atij, shkruan DailyMail.

Ceremonia e tyre e fshehtë u konfirmua nga çifti vetëm një vit më vonë, ku për të cilën Rita tha për revistën “Grazia” se e ‘improvizuan pa asnjë planifikim’.

Pas viteve të mosqenies në marrëdhënien e duhur gjatë ‘njëzetvjeçarit të saj të çrregullt’, Rita tha se kur u takua me Taikan, 48 vjeç, ndjeu se ishte ‘mirë dhe e sigurt’.

Duke reflektuar rreth së kaluarës së saj, ajo i tha revistës: “Jeta ime dashurore ka qenë me ngjyra, të them të pakën. Por sa e mrekullueshme është se ne mund të bëjmë ato zgjedhje për veten tonë?”.

Ajo shtoi: “Gjatë njëzetvjeçarit tim isha e mpirë gjatë gjithë kohës. Dëshiroja të ndihesha zgjuar dhe se truri im ishte aktivizuar”.

Rita vazhdoi: “Ajo që më bën të them është kur njerëzit i ngarkojnë dikujt tjetër kaq shumë përgjegjësi për të ndier veten ashtu siç duan të ndihen. Kjo është një katastrofë, një aksident. Do të jeni gjithmonë të pakënaqur, unë isha ajo person”.

Rita dhe Taika nisën të takoheshin në mars të vitit 2021, para se ta bënin publike romancën e tyre në gusht të vitit 2023.

Para marrëdhënies së tyre romantike, Rita dhe Taika ishin miq të ngushtë për pesë vjet. Para se të takonte Taikën, Rita ka pasur marrëdhënie me një sërë emrash të njohur, duke filluar që nga viteve të para të famës së saj.

Para se të arrinin në pikat më të larta të famës, Rita ka pasur një marrëdhënie me Bruno Mars në moshën 18 vjeçare, duke thënë më vonë: “Ishte dashuri me shikim të parë”.

Ajo gjithashtu ka qenë në lidhje me emra të njohur si: Rob Kardashian, Calvin Harris, Ricky Hil (djali i Tommy Hilfiger), A$AP Rocky, Andrew Garfield dhe Travis Barker.

Artikulli përfshin edhe detaje të tjera rreth marrëdhënieve dhe përvojave të saj personale të dashurisë. /Telegrafi/