Rabiot tregon se çfarë i pengon në lidhje me Mbappe: Nuk e di pse e bën atë

Mesfushori francez, Adrien Rabiot, ka treguar se çfarë e irriton në të vërtetë kur bëhet fjalë për bashkëkombësin e tij, Kylian Mbappe.

Dy futbollistët ishin në mesin e më të mirëve te Les Bleus që arritën deri në finale të ‘Katar 2022’, ku pësuan pas ekzekutimit të penalltive nga Argjentina.

Duke folur për Le Media Carre, lojtari i Juventusit shpjegoi një shprehi të çuditshme që e ka sulmuesi i Paris Saint-Germainit.

“Kylian Mbappe vërtet më irriton kur e ndryshon zërin për intervista. Kur bisedon me të gjithë ne, flet normalisht, pastaj gjatë një interviste e ndryshon tërësisht zërin. Nuk e di pse e bën këtë”.

“Është irrituese, vërtet më streson. Mendoj se të gjithë e kanë vënë re”, ka deklaruar Rabiot.

Duke marrë parasysh historinë e përplasjeve dhe debateve të shëmtuara në skuadrën e Francës gjatë fushatave të Kampionatit Botëror, ky është problemi më i vogël i tyre. /Telegrafi/

💬 Adrien Rabiot :

«  Kylian Mbappé m’énerve quand il change de voix pendant les interviews. Quand on est ensemble, il parle normalement. Et quand on le revoit en interview, je ne sais pas pourquoi, sa voix change. C’est stressant. »

🎙️ @lemediacarre pic.twitter.com/UBXmHfK3nK

— Vibes Foot (@VibesFoot) December 27, 2022