Nga ambiciet e tij për Topin e Artë te miqësia me Sanchon dhe favoritët e Kupës së Botës – Vinicius Jr flet për të gjitha
Me përfundimin e epokës Lionel Messi-Cristiano Ronaldo, po shtohen bisedat se kush do të rritet dhe do të mbushë boshllëkun e mbetur pasi dy më të mëdhenjtë e kohës moderne të kenë varur këpucët në gozhde.
Ylli i Paris Saint-Germain, Kylian Mbappe, tani lojtari më i paguar në futbollin botëror, është parë prej kohësh si një pasardhës natyral, ndërsa aksionet e Erling Haaland vazhdojnë të rriten pas fillimit të jashtëzakonshëm te Manchester City.
Por, është edhe një i ri brazilian që synon të jetë pjesë e bisedës; i cilësuar si ‘Neymar i ardhshëm’. Pra bëhet fjalë për sulmuesin anësor të Real Madridit, Vinicius Jr.
Për shumë nga më të mëdhenjtë e të gjitha kohërave, ka një moment të spikatur në fillim të karrierës së tyre, i cili i bën ata nga të qenit të konsideruar thjesht si një talent me perspektivë, në një superyll të mundshëm të sportit.
Për Mbappen, ajo erdhi në Kupën e Botës 2018, me katër golat e tij – përfshirë një në finale kundër Kroacisë – duke ndihmuar Francën të bëhet kampione e botës vetëm për herë të dytë.
Momenti i Haaland nuk ka ardhur ende dhe nuk ka gjasa të dalë në skenën ndërkombëtare me Norvegjinë. Por, një fitim i titullin e Ligës Premier këtë sezon, ose një triumf i parë me Cityn në Ligën e Kampionëve, sigurisht që do t’i bënte hapa të mëdhenj norvegjezit.
Për Vinicius Junior, ai moment mbërriti në Stade de France këtë verë, pasi shënoi golin e vetëm në finalen e Ligës së Kampionëve kundër Liverpoolit për t’i dhënë Real Madridit një trofe të 14-të të Ligës së Kampionëve.
“Mendoj se ishte padyshim goli më i rëndësishëm i karrierës sime. Më i bukuri, më i veçanti. Ishte një moment shumë i rëndësishëm, fitimi i Ligës së Kampionëve në moshën 22-vjeçare dhe shënimi në finale. Do të mbahet mend përgjithmonë, aq më tepër të qenit në një klub që fiton aq shumë dhe e do këtë garë”, ka thënë fillimisht Vinicius Jr për SPORTbible, pasi u shpall si ambasadori i Pepsi MAX.
“Jam shumë i lumtur, por nuk dua të ndalem me kaq. Ka shumë Liga të Kampionëve përpara dhe dua të fitoj sa më shumë që të jetë e mundur”.
Kur u pyet nëse ai ka ambicie për të luajtur në një ligë tjetër – siç është Liga Premier – më vonë në karrierën e tij, Vinicius hodhi poshtë shanset që ai të largohej ndonjëherë nga Bernabeu.
“Është e vërtetë që jam shumë i lumtur këtu në Real Madrid dhe mendoj se do të luaj këtu deri në fund të karrierës sime. Sigurisht, të përjetosh një ligë tjetër është e rëndësishme dhe mendoj se Liga Premier është një ligë në të cilën çdo lojtar dëshiron të luajë. Por, ëndrra ime është dhe ka qenë gjithmonë të luaj për Real Madridin”.
Vinicius jo vetëm që përfaqëson të ardhmen e Realit, por edhe atë të kombëtares së tij të Brazilit, me anësorin që shihet si një pasardhës i mundshëm i idhullit të tij të fëmijërisë, Neymar.
Brazili shkon në Kupën e Botës të këtij dimri në Katar si favorit i turneut përpara Francës, Argjentinës dhe Anglisë. Por, Vinicius beson se kampionët në fuqi mbeten skuadra që duhet mposhtur.
“Është pak e vështirë, apo jo? Skuadra më e mirë është gjithmonë skuadra që fitoi Botërorin e fundit. Mendoj se Franca është më e mira për momentin. Por, në Kupën e Botës kjo mund të ndryshojë dhe ka shumë skuadra me shanse të mira për të fituar. Argjentina po bën shumë mirë, Brazili, Anglia, Gjermania… të gjitha janë skuadra që do të jenë të forta në këtë Botëror – dhe mund të fitojë Brazili!”.
“Unë mendoj se do të luaj; do të jetë një Kupë e Botës shumë e veçantë për mua dhe për të gjithë me shpresa të mëdha për Brazilin. Pas kaq shumë kohësh, të kemi një ekip të fortë – është e rëndësishme për ne”, përcjell Telegrafi.
Nëse Brazili dhe Anglia fitojnë grupet e tyre përkatëse, ekziston mundësia që ata të mund të takohen në finalen e Kupës së Botës në stadiumin Lusail Iconic më 18 dhjetor.
Vinicius tani është mësuar të përballet me kundërshtarët anglezë në Evropë dhe ka emëruar dy kundërshtarët e tij më të vështirë, të cilët të dy mund të humbasin Kupën e Botës.
“Kam luajtur kundër shumë prej tyre dhe kundërshtarët më të vështirë ishin Reece James i Chelseat dhe Kyle Walker i Manchester Cityt”.
Vinicius, ndërkohë, vazhdoi të zbulojë se ka një miqësi të ngushtë me anglezin Jadon Sancho, e krijuar pasi u përball me anësorin e Manchester United.
“Jam shumë i afërt me Sanchon, kundër të cilit kam luajtur në futbollin e të rinjve. I uroj gjithmonë më të mirat. Ne gjithmonë shkëmbejmë mesazhe dhe jam shumë i lumtur kur ai shënon ose luan mirë”.
Nëse Vinicius frymëzon Brazilin për triumf këtë dimër dhe gjithashtu ndihmon Real Madridin të mbrojë titujt e tyre në La Liga dhe Ligë të Kampionëve këtë sezon, ai me siguri do të ishte në garë për Topin e Artë të vitit të ardhshëm.
Braziliani doli i teti në renditjen përfundimtare për çmimin e këtij viti, i cili shkoi te bashkëlojtari i tij, Karim Benzema dhe Vinicius shpreson të imitojë francezin një ditë, por beson se ai duhet të përmirësohet nëse do të kurorëzohet si lojtari më i madh në futbollin botëror.
“Jam shumë i lumtur me paraqitjen e Karimit sezonin e kaluar dhe i lumtur që kam kontribuar pak që ai të jetë më i miri në botë, pasi ka punuar kaq shumë duke luajtur në klubin më të madh në botë në moshën 36-vjeçare”.
“Është gjithmonë shumë e vështirë dhe ai është shumë i përkushtuar dhe e meriton shumë këtë çmim. Unë jam gjithmonë shumë i qetë kur luaj. Mendoj për më të mirën për ekipin tim, përpiqem të bëj më të mirën dhe të jem versioni më i mirë i vetes sa herë që jam në fushë”.
“Nëse në të ardhmen mund të jem më i miri në botë… kjo varet nga mënyra se si shkon sezoni im. Më duhet të vazhdoj të punoj dhe të përmirësohem për të vazhduar të arrij ëndrrat e mia”, përfundoi ylli i Real Madridit. /Telegrafi/
Lufta Prigozhin - Putin
Më shumëNga Rubrika
Man City në telashe të mëdha – Liga Premier jep paralajmërimin lidhur me shkeljen e 115 rregullave
Luis Enrique thumbon Mbappen: Vitin tjetër do të jemi më të mirë
Chelsea mbetet deri në fund të sezonit pa njërin nga yjet kryesor të skuadrës, shkak operimi
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Rënia e një prej më të mirëve në botë – e larguan nga klubi në ditën e dasmës, tani stërvitet me amatorë
Klopp thyen heshtjen për vendimin e Liverpoolit për emërimin e Arne Slot dhe zbulon këshillat që do t'i jepte zëvendësuesit të tij
“Jam tifozi i tij më i madh” – Rakitic emëron ikonën e Barçës si lojtarin e tij të preferuar, nuk është Messi
Rebelohet një lojtar në zhveshtoren e Real Madridit, Ancelotti nuk mund ta menaxhojë më
Arsenali është gati të shesë yllin e skuadrës, zbulohet çmimi i tij
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre