Ndonëse fiton miliona nga muzika, la vetëm pesë dollarë bakshish – Harry Styles kritikohet nga fansat

Në një video që bëri xhiron në internet, një përdorues i TikTok, që supozohet se punon në industrinë e gastronomisë, ndau një faturë të një porosie restoranti së bashku me një fotografi që mori me Styles.

Fatura tregon se për një vakt prej 70 dollarësh (65 euro), Styles la vetëm pesë dollarë bakshish. Bashkë me faturën dhe foton ishte edhe një tekst në ekran që thoshte: “Harry, të kam zbuluar, vëlla”.

Videoja e hedhur TikTok ka mbledhur mbi 1.1 milionë shikime, me një prej komentuesve që shkroi: “Matematika nuk po shkon”.

Tabloidi Daily Dot nuk ishte në gjendje të verifikojë pavarësisht vlerësimin e këtyre pretendimeve. TikToker-i gjithashtu nuk u përgjigj menjëherë kërkesës për komente. Megjithatë, disa fansa të yllit britanik të muzikës mbrojtën Harryn nga akuzat për koprraci.

@californiasunlouis The math aint mathing #harrystyles #foryoupage #foryou #fyp #harrystylesvids #harrystylesedit #loveontour #hslot #harryshouse #harrystylestiktok #harrystylesvideos ♬ Temporary S3X . 1D x Kings of Leon Mashup – Keely

“Bakshishi nuk është i detyrueshëm, zemër”, shkroi një komentues. “Shpresoj që kjo të ndihmojë”, vazhdoi komenti përbri videos ku tregohej fatura.

“Në Evropë zakonisht jepen 5-10 për qind bakshish”, shënoi një tjetër. “Pra, kjo është e zakonshme”. Ngjashëm, shumë komentues të tjerë shtuan se Harry nuk e kuptonte kulturën e bakshishit sepse ai është britanik, me një komentues që shtoi thjesht një koment ku shkruante: “Edhe?”.

Akuzat ndihmuan gjithashtu Directioners të kujtojnë herë të tjera kur Styles la një bakshish më luksoz. Kjo përfshin kohën kur ai dyshohet se la një bakshish prej 2,020 dollarësh (1,858 euro) për të kremtuar vitin 2020, dhe një rast tjetër ku ai la 1,000 dollarë (919 euro) bakshish. Në fakt, TikToker-i pranoi në komente se i kujtohej ky rast i fundit, edhe pse Daily Dot nuk ishte në gjendje të verifikonte nëse ndodhi vërtetë kjo histori e dytë e bakshishit.

Por edhe nëse historia e fundit nuk është e vërtetë, mund të ketë një arsye tjetër të vlefshme për mosdhënien e bakshishit nga Styles. Përtej mbrojtjeve si kultura britanike dhe fakti që bakshishi nuk është i detyrueshëm, shumë komentues vunë në dukje se kjo mund të ketë qenë një porosi me vetëshërbim.

“Po, nuk lë bakshish kur është vetëshërbim/porosi për të marrë”, pranoi një tjetër. “Ai bëri më shumë se unë”, shtoi një tjetër komentues.

Përfaqësuesit për media të Styles nuk iu përgjigjën kërkesave për të komentuar mbi çështjen. /Telegrafi/