Monika Salihu, Gani Gërmia e Linda Halimi – banorë të edicionit të dytë të Big Brother VIP Kosova?

Edicioni i dytë i Big Brother VIP Kosova fillon këtë muaj.

Ndonëse ishte paraparë që spektakli të fillonte me datën 2, përgatitjet për të kanë shkaktuar vonesa dhe si rrjedhojë ai është shtyrë për pak javë, ku si data e dytë përflitet 17 tetori.

Tashmë në internet kanë filluar të qarkullojnë thashetheme mbi emrat VIP që pritet të futen në shtëpinë e famshme.

Lexo po ashtu Nga aktrimi në televizion, Jonida Vokshi zbulon se si po shkojnë përgatitjet për edicionin e dytë të BBVK: Jemi gati t'ia fillojmë

Telegrafi ka mësuar nga burime pranë produksionit se janë tre emra të cilët përflitet se do të jenë pjesë.

Bëhet fjalë për këngëtaren Monika Salihu, gazetarin dhe humoristin Gani Gërmia dhe këngëtaren e mirënjohur shqiptare, Linda Halimi.

Kjo e fundit ishte pyetur specifikisht për hyrjen e saj në BBVK pak ditë më parë në emisionin “In and Out” në RTV 21.

Megjithatë, këngëtarja nga Vitia as nuk e konfirmoi e as nuk e përjashtoi si mundësi, duke thënë se edhe mund të hyjë në rast se nuk kthehet në Amerikë.

Monika në anën tjetër ka qenë dikur këngëtare e njohur e muzikës zbavitëse në Kosovë, e njohur në opinion më shumë edhe si vajza e boksierit të famshëm, Azis Salihu.

“Çika e bokserit” është një prej këngëve të saj më të njohura, gjersa viteve të fundit është rikthyer duke kënduar më shumë në zhanrin popullore. /Telegrafi/