Milani mund të ndërrojë pronar në ditët e ardhshme, pasi pronari aktual Elliott mund ta shes ekipin tek Investcorp, fond i Bahrain.

Me shitjen e mundshme Rossonerët pritet të kenë buxhet shumë herë më të madh për transferimin e futbollistëve dhe mund ta ndërtojnë një skuadër shumë më të fortë.

La Gazzetta dello Sport ka raportuar se Rossonerët do t’i kenë 300 milionë euro në dispozicion për transferime të reja dhe tanimë kanë në listë tre emra për ta forcuar repartin ofensivë.

BERGAMO, ITALY – APRIL 14: Christopher Nkunku of RB Leipzig celebrates after scoring their team’s second goal during the UEFA Europa League Quarter Final Leg Two match between Atalanta and RB Leipzig at Stadio di Bergamo on April 14, 2022 in Bergamo, Italy. (Photo by Emilio Andreoli/Getty Images)

Christopher Nkunku i RB Leipzig, Nicolo Zaniolo i Romës dhe Sebastien Haller i Ajaxit janë emrat e sulmuesve që synohen nga Paolo Maldini.

Për t’i marrë tre lojtarët në fjalë, Rossonerët do të duhet të shpenzojnë rreth 180 milionë euro.

Përveç kësaj tanimë dy futbollistë janë siguruar dhe ata janë Divock Origi që do t’iu bashkohet si transferim i lirë nga Liverpooli dhe mbrojtësi holandez Sven Botman.  /Telegrafi/