Kosova ka vazhduar të tërheqë vëmendje mediatike për organizimin e jashtëzakonshëm të mikpritjes që ia ka bërë Anglisë për ndeshjen e fundit kualifikuese për ‘Euro 2020’.

Komentatori i BBC Radio 5 Live, Ian Dennis, është nga anglezët e shumtë që janë befasuar me mikpritjen që iu është bërë atyre, si në qytet ashtu edhe brenda stadiumit “Fadil Vokrri”.

“Çfarë pritjeje. Tifozët e Kosovës me flamuj të St George (flamuri i Anglisë) duke e mbajtur lart gjatë himnit të Anglisë. Mirë se erdhët dhe respekt”, ka shkruar Dennis në një postim në Twitter.

Nga ana tjetër, gazetari i The Mirror, John Cross, është mahnitur me flamujt e Anglisë që u ngritën nga tifozët shqiptarë të pranishëm në stadiumin “Fadil Vokrri”.

tifozët duke i mbajtur flamujt e Anglisë në “Fadil Vokrri” (Foto: Michael Regan/Getty Images/Guliver)

Kur “God Save The Queen” i lëshua, secili tifoz i Kosovës në stadium e ngriti një flamur të St George (flamur të Anglisë), ka shkruar John Cross në postimin e tij në Twitter, të cilin e ka shoqëruar edhe me një fotografi në stadium. /Telegrafi/