Këngëtarja shqiptare me famë botërore, Bebe Rexha, do të publikojë albumin e saj më të ri “Better Mistakes” më 7 maj.
Ajo në një intervistë të fundit për The Daily Telegraph ka folur për gjendjen e saj të vështirë emocionale që pati gjatë xhirimeve të klipit të saj më të fundit “Sabotage”, që gjithashtu është pjesë e albumit të saj më të ri.
“Kam qarë aq shumë saqë duhej të përdorja pikat e syve. Pas asaj skene, unë u tërhoqa aq shumë sa po pyesja nëse ishim bërë për atë ditë dhe ata [ekipi realizues] ishin si: ‘Është thjeshtë skena e parë’. Kjo ta shpif”, thotë ajo.
“Thjesht po mendoja përse sabotoj veten time, kohët kur ndihem sikur nuk meritoja diçka sepse nuk isha mjaft e mirë, mendimet që kam nuk janë mendimet më të mira, por gjërat që vërtet i besoja. Dhe gjithmonë e bëj atë”, shtoi ajo.
Rexha është në pararojë e brezit të saj të këngëtarëve që kanë qëndruar në krye të top listave me këngëtarë pop që zbërthejnë sfidat e shëndetit mendor dhe e ndajnë atë me miliona fansa.
Ashtu si Lizzo, Billie Eilish dhe Alessia Cara, interpretuesja e hitit “I’m A Mess” ka qenë një avokate e ashpër për lëvizjen e pozitivitetit të trupit, duke treguar hapur përmes një videoje në vitin 2019 se si shumë shtëpi të modës refuzuan ta dizajnonin fustanin e saj për në “Grammy Awards 2019”, shkaku i përmasave të mëdha të trupit.
Ajo gjithashtu e bëri publike po atë vit faktin se ishte diagnostikuar nga psikiatrit me çrregullim bipolar. Njëra nga këngët e albumit të ri, e titulluar “Break My Heart Myself”, është pjesa hapëse e albumit dhe referon faktin se si ajo jeton me këtë gjendje.
“Përshëndetje, emri im është Stevie / Në të vërtetë, po gënjej. Është vërtet Bebe. / Janë mjekët. Ato më bëjnë vërtet të përgjumur. / Klonopin, shoqja ime, po, ajo e mpin ndjenjën”, janë disa nga vargjet që ajo citon në këtë këngë.
“Thjesht e heq atë emocion, e dini, por puna aktuale kërkon terapi, shumë punë”, thotë ajo.
“Titulli ka të bëjë me kohën kur isha adoleshente, mendova se do të rritesha … ankthi im do të zhdukej dhe gjithçka do të ishte aq perfekte, sa do isha perfekte”, thotë ajo.
“Ju plakeni, gjithçka është njësoj. Unë jam vetëm më e vjetër. Kështu që po përpiqem të bëj gabime më të mira dhe të përpiqem të kuptoj se si funksionon e gjithë kjo gjë e jetës”, tregon Bebe Rexha ndërsa shpjegon titullin e albumit të saj të ri.
“Better Mistakes” ishte parashikuar të publikohej pak para fillimit të pandemisë por kriza e përhapjes së virusit COVID-19 dhe lëvizja “Black Lives Matter” në Amerikë bëri që industria e muzikës të bënte pauzë për lëshimin e një muzike të re.
Rexha, i cili ishte një autore këngësh në ShBA, duke ndihmuar në krijimin e hiteve për artistët si: Eminem, Nick Jonas dhe Selena Gomez para se të niste karrierën e saj si këngëtare, kaloi pauzën për të rregulluar përzierjet e fundit të këngëve të saj në vend se të bënte këngë të reja.
“Better Mistakes” është albumi i dytë i saj që i pason albumit të parë shumë të suksesshëm “Expectations”, të cilin shqiptarja e publikoi në vitin 2018 dhe kishte brenda tij hitet si: “Meant To Be” me Florida Georgia Line dhe “In The Name Of Love” me Martin Garrix.
“Kënga për të cilën jam më krenare është ‘I’m A Mess’ sepse e ndjeva se është Bebe më e sinqerta dhe e vërteta. Kjo jam unë”, thotë ajo.
“Kështu që doja të bëja një album që ishte një vazhdim i këngës ‘I’m A Mess’ dhe ta shtyj që të jetë më hip-hop ose më shumë ritmike për të dëgjuar se çfarë mund të ndodhë”, thotë 31-vjeçarja.
“Unë doja të ruaj cenueshmërinë dhe ndershmërinë, sepse kjo është ajo me të cilën fansat e mi në të vërtetë lidhen, ashtu si bënë me këngën e parë që kam publikuar ndonjëherë, e cila titullohet “I’m Gonna Show You Crazy” (Unë do t’ju shfaq juve çmendurinë)”, thekson Bebe Rexha. /Telegrafi/
Promo
Reklamo këtuLufta Prigozhin - Putin
Më shumëLuka Modric bleu një apartament luksoz në Zagreb - aty ku pritet të kthehet për të jetuar
Është zbuluar e dashura e Jude Bellingham, modelja holandeze tashmë jeton në Madrid
Dua Lipa merr vëmendje me pallton e saj të gjatë dhe me prerje të çuditshme në rrugët e New Yorkut
"O Bes Kallaku", reagimi epik i Xhensilës kur fansat i përmendin ish-partnerin në koncert
“Ndihmë, ndihmë”- publikohet videoja konfliktuoze e këngëtares Maya dhe bashkëshortit të saj në banesë, momenti kur mbërrin policia
Ish-banori i Big Brother VIP Albania, na prezanton me partneren për herë të parë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën