Ronaldo Nazario emëron ish-shokun te Real Madridi si më të dobëtin që ka parë në karrierë

Ish-sulmuesi i Real Madridit, Ronaldo Nazario ka treguar se kush mendon se ishte bashkëlojtari i tij më i keq në një intervistë të fundit.

Legjenda braziliane përfaqësoi shumë klube ikonike dhe luajti me disa nga lojtarët më të mirë.

Megjithatë, ai e kujton Thomas Gravesen si më të keqin në aftësinë e tij futbollistike.

Dy herë fituesi i Kupës së Botës kujtoi karrierën e tij si lojtar në një paraqitje të fundit në kanalin e tij në YouTube të bashkëatdhetarit – Romario.

Ronaldo tregoi se kë e ndjente se ishte lojtari më i keq me të cilin ka luajtur ndonjëherë, kur u pyet, duke thënë: “Kishte një në Real Madrid që ishte i dobët në futboll. Gravesen ishte një djalë me të vërtetë i mrekullueshëm, njeri shumë i mirë. Së fundmi ai fitoi një turne pokeri prej 50 milionë dollarësh. Por në futboll ai ishte shumë i dobët”.

Ronaldo Nazario dhe Gravesen kaluan një vit së bashku në kryeqytetin spanjoll dhe 29 ndeshje, mesatarisht 1.86 pikë për lojë. Mesfushori danez zgjati vetëm një sezon përpara se të shitej te Celtic për tre milionë euro pasi mbërriti nga Everton për 3.4 milionë euro në 2005. /Telegrafi/