Ditëve të fundit, është raportuar se Rusia ka lëshuar fletarrest ndërkombëtar për disa zyrtarë të njësive elite të Policisë së Kosovës, ku si pretekst është marrë arrestimi i një zyrtari rus të UNMIK-ut, gjatë një operacioni policor kundër kontrabandës dhe aktiviteteve kriminale.
Veprim ky, i cili nga ekspertë të sigurisë po konsiderohet i padrejtë dhe i pakuptimtë.
Eksperti i çështjeve të sigurisë, Nuredin Ibishi thotë se ky veprim i Rusisë pasqyron ‘fytyrën’ e vërtetë të presidentit rus, Vladimir Putin, të cilin e quan despot.
“Ka të bëjë me rastin e 2019 kur ishte lufta kundër krimit të organizuar dhe korrupsionit, ku u arrestuan 19 pjesëtarë të Policisë së Kosovës, ata që kundërshtuan këtë aksion policorë në komunën e Zveçanit, ku një pjesëtar i UNMIK-ut, një kolonel i GRRU-së është involvuar direkt në pengim të operacionit policor dhe është arrestuar, dhe pastaj është liruar për shkak të imunitetit diplomatik, por që u shpall person NON GRADA nga qeveria e atëhershme.
Pas sa kohësh po gjen të arsyeshme Rusia të shpallë jo vetëm ndaj tre zyrtarëve policorë që kanë udhëhequr këtë operacion, por edhe ndaj 100 mijë tjerëve ndër ta, edhe kryeministres së Estonisë, Kaja Kallas. Gjithë kjo tregon fytyrën e vërtetë të një despoti – Putinit, i cili mundohet me çdo kusht të ndërmarrë veprime që realisht nuk janë legale, janë pesë vjet diferencë”, thotë Ibishi.
Sipas tij, krejt kjo ka prapavijë politike.
“Çështja tjetër është që ajo nuk është e qëndrueshme ngase mendoj që edhe zyra e INTERPOL-it tek ne që është në kuadër të UNMIK-ut duhet të bëjë një shpërndarje, një kundërvënie të këtij fletarresti në kuptim të njoftimit që kjo është politikisht e motivuar me gjithë atë aspektin që është e paqëndrueshme, ngase ligjor ishte veprimi i zyrtarëve policorë, nuk ishte Banjska si ata e cilësojnë.
Në këtë formë ajo do të injorohet, ky fletarrest për tre zyrtarët policorë të cilët janë të Kosovës, ndërsa për 100 mijë që janë të fabrikuar për interesa sidomos pas fillimit të luftës në Ukrainë që kanë kundërshtuar këtë agresion është një çështje më madhore dhe duan të mirën e institucioneve, vetë INTERPOL-i”, shton ai.
Edhe hulumtuesi i lartë në Institutin Octopus, Taulant Elshani thotë se ky është një veprim absurd dhe i padrejtë. Kjo pasi siç thotë ai, në vitin 2019 në veturën e rusit që është arrestuar nga Policia e Kosovës janë gjetur mjete pune për të cilat është vërtetuar se kanë qenë për t’u përdorur në ngritjen e barrikadave ilegale në veri të Republikës së Kosovës.
“Unë mendoj që ky është një veprim absurd sepse Chenko është i dëshmuar që ka qenë pjesë e inteligjencës ushtarake ruse. Nën petkun e diplomatit dhe zyrtarit të UNMIK-ut këtu ka penguar realisht punën e Policisë së Kosovës, aksionin e Policisë së Kosovës në veri. Në makinën e tij janë gjetur mjete pune për të cilat është vërtetuar se kanë qenë për tu përdorur në ngritjen e barrikadave në veri të Republikës së Kosovës, barrikadave ilegale.Një veprim absurd, i padrejtë, i pakuptimtë”, shprehet Elshani.
Ndërsa, ministri i Punëve të Brendshme, Xhelal Sveçla, ditë më parë kishte deklaruar para mediave se prej Rusisë nuk pritet asgjë mirë.
“Prej Rusisë nuk pritet asgjë mirë, Besarti është mirë… e dimë, e kemi informatën zyrtare por nuk është ajo brenga as e imja, as e Besartit”, deklaroi Sveçla para mediave.
E deputeti i Partisë Demokratike të Kosovës (PDK), Rashit Qalaj, në seancën e Kuvendit, të enjten ka thënë se tre zyrtarët policorë janë futur në listën e INTERPOL-it. Derisa ka thënë se arsyeja e vetme e kësaj është që të njëjtit kanë zbatuar ligjet e Kosovës, Qalaj iu ka bërë thirrje institucioneve që të marrin masa.
Në listën e Rusisë janë komandanti i Njësisë Speciale Operative të Policisë së Kosovës, Besart Ahmeti, shefi i njësitit elitar të Policisë së Kosovës, ‘FIT’, Alban Jetullahu dhe një zyrtar tjetër i Policisë së Kosovës.
KosovaPress është munduar të kontaktojë komandantin e Njësisë Speciale Operative të Policisë së Kosovës, Besart Ahmeti, por i njëjti nuk është përgjigjur./kp/
Promo
Reklamo këtuLufta Prigozhin - Putin
Më shumëNga Rubrika
Analistët: Pahor e njeh rajonin, por si emisar i BE-së s’mund ta “transformojë” dialogun
Ish-ambasadori i Shqipërisë në Kosovë: Asociacioni, kusht që nuk lidhet me Këshillin e Evropës
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Momenti kur Edi Rama u përkulet shqiptarëve në Greqi
Nesër takohen Kurti e Krasniqi, në tavolinë dy tema
Analistët: Pahor e njeh rajonin, por si emisar i BE-së s'mund ta "transformojë" dialogun
Ish-ambasadori i Shqipërisë në Kosovë: Asociacioni, kusht që nuk lidhet me Këshillin e Evropës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Pamjet tregojnë ‘Old Trafford’ drejt shkatërrimit – Ronaldo kishte të drejtë kur foli për kushtet e klubit
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Wayne Rooney zbulon skandalin e lojtarëve të Man United - nëse vërtetohet do ketë pasoja
Ish-ylli i Liverpoolit zbulon trajnerin e ardhshëm të Man United – thotë se ia tregoi një lojtar aktual i tyre
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron