Gjykata e Kurorës në Sheffield të Britanisë së Madhe ka nisur gjyqin për vrasjen e shqiptarit Armend Xhika, ngjarje e ndodhur në vitin 2021. Të martën (17 Janar) para gjykatës dolën Mentor Selmani, 28 vjeç; Marsid Senia, 25 vjeç dhe Mardov Dushku. Të tre ata janë arrestuar në lidhje me këtë ngjarje, por deklaruan se janë të pafajshëm.
Prokurori Samuel Green gjatë seancës ka bërë publike detaje shumë të rënda që tregojnë se kjo ngjarje mund të ishte kthyer në një tragjedi me pasoja shumë më të rënda.
Kjo pasi 3 personat më sipër, së bashku me 2 të tjerë, të cilët kanë bërë roje pranë vendit të ngjarjes, kanë qenë duke shkaktuar edhe vdekjen e disa shqiptarëve të tjerë. Gjithçka duket se ka nisur pas një aksidenti rrugor ku janë përplasur dy makina. Në këtë ngjarje janë përfshirë dy grupe shqiptarësh.
Prokurori Green pretendon se 22-vjeçari Xhika vdiq pasi u plagos me thikë në ngjarjen që ndodhi mbrëmjen e 13 Majit 2021. Një prej shokëve që e shoqëronin 22-vjeçarin është përpjekur që ta shpëtojë të riun dhe e ka dërguar në spital, por fatkeqësisht Xhika nuk ia doli dot.
“Pasi Armend Xhika u ngrit në këmbë u ndihmua nga shoku i tij, Altin Kalemi dhe u dërgua fillimisht në shtëpi ndërsa më pas në një spital në Sheffield, ku u shpall i vdekur në orën 20:37”, u shpreh ai.
Më tej, prokurori shtoi se Armend Xhika u dërgua në spital ekzaktësisht në orën 20:12.
“Në kontaktin e parë me stafin ai kishte pësuar arrest kardiak. Ata ushtruan mbi të resusitacion kardiopulmonar ose CPR dhe u dërgua në departamentin e emergjencës. Për rreth 10-15 minuta reanimimi u ndërpre dhe Xhika u deklarua i vdekur në orën 20:37 të asaj mbrëmje”, tha Green.
Sipas ekzaminimeve rezulton se Xhika ka pësuar një plagë nga thika në krahun e majtë të kraharorit me një thellësi prej 10 centimetrash. Sipas prokurorit vdekja e të riut është shkaktuar nga një kombinim i hemorragjisë së rëndë, me shumë mundësi si pasojë e një dëmtimi të zemrës dhe mushkërisë jashtë funksionit.
Duke iu referuar ngjarjes, Green tha se mbrëmjen fatkeqe dy grupe shqiptarësh kishin planifikuar të takoheshin. Në njërin grup ishin të akuzuarit, tre prej të cilëve dyshohet se kanë qenë të pajisur me thika dhe tek grupi tjetër ishte viktima dhe shokët e tij.
Green pretendoi se disa nga grupi i të pandehurve mbanin thika dhe armë dhe dërguan dy anëtarë të tjerë për të bërë roje. Ai shtoi se takimi ishte vendosur pasi Xhika duke drejtuar makinën e tij tip ‘Vauxhall Insignia’ kishte përplasur në rrugë një makinë tip ‘Audi’ brenda së cilës ndodheshin dy shqiptarë. Gjatë takimit, një anëtar i grupit të të pandehurve goditi Armend Xhikën dhe pas kësaj nisi dhuna. Sipas prokurorit pjesa më e madhe e sherrit është filmuar në kamerat e sigurisë.
Green u shpreh se grupi i të pandehurve e ndoqi grupin e Xhikës dhe i sulmuan të gjithë ata. Siç thotë prokurori në pamjet e kamerave të sigurisë shfaqet Xhika i cili është goditur disa herë me thikë. Megjithatë ai nuk mund të përcaktojë dot se cili ka dhënë goditjen fatale ndaj shqiptarit. Por prokurori thotë se ata janë përgjegjës për vrasjen.
Përveç Xhikës gjatë sulmit janë sulmuar dhe plagosur edhe 3 shokët e viktimës, Durim Dervishanji, Mikael Kanachi dhe Fatson Dushku. Dervishanji është paraqitur në spital me disa të çara në krahë dhe kokë. Kanachi u paraqit në spital me gjak në kraharor, çarje në mushkëri, një brinjë të thyer dhe dy çarje në pjesën e pasme të gjoksit të tij në përputhje me goditjen me thikë. Ndërsa Fatson Dushku kishte plagë të ndryshme me thikë dukshëm në pjesën e pasme të tij.
Pas arrestimit, Mentor Selmani dhe Marsid Senia nuk kanë dhënë komente. Megjithatë Senia më herët ka bërë një telefonatë në shërbimet e emergjencës ku tregoi se gjithçka kishte ndodhur pas një aksidenti dhe anëtarët e grupit tjetër kishin shkuar atje me thika.
Mardov Dushku i tha policisë se kishte shkuar në një takim për të folur për një aksident me makinë, por nuk e di si shpërtheu sherri. Ai ka vënë në dukje se një person ka bërë një lëvizje drejt tij kështu që e ka goditur, por më pas është arratisur dhe ka mohuar se ka pasur thikë. Por prokurori u shpreh se qëllimi i këtyre personave ka qenë dëmtimi serioz i anëtarëve të grupit të Armend Xhikës. Mediat shkruajnë se gjyqi vijon ende./Tv Klan
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Ambasadori i Finlandës: Anëtarësimi i Kosovës në NATO do të bëhet realitet
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
“Paratë, ose do të vras djalin”, polici kërcënon qytetarin se nuk i dha ryshfet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe