Kevin Spacey do t’ua paguajë 30 milionë euro krijuesve të dramës “House of Cards”

Të enjten, Gjykata e Lartë e Los Angelesit vendosi që Kevin Spacey duhet t’i paguajë 31 milionë dollarë (30 milionë euro) kompanisë së produksionit MCR, e cila ishte përgjegjëse për realizimin e serialit të njohur “House of Cards”.

Arsyeja e këtij dëmshpërblimi është për shkak të shkeljes së kontratës dhe dëmeve të shkaktuara nga aktori gjatë xhirimeve.

Ekipi i Spaceyt kishte apeluar vendimin, por gjyqtari vendosi se ata nuk “dëshmuan se kjo është edhe një çështje e ngushtë” dhe “se shpërblimi i dëmit ishte kaq irracional, saqë përbën një ribërje arbitrare të kontratave të palëve”.

Skenari i “House of Cards” duhej të rishkruhej

Karriera e Spaceyt ishte ‘shkatërruar’ në vitin 2017, kur dolën në dritë disa akuza për sulme seksuale.

Pas këtyre akuzave, të cilat ai i ka mohuar gjithmonë, aktori u shkarkua nga ‘House of Cards’, ku ishte protagonisti kryesor.

Largimi i tij do të thoshte që sezoni i gjashtë duhej të rishkruhej dhe numri i episodeve u ul nga 13 në tetë.

Aktori u dërgua në gjykatë për të gjitha këto dëme, pasi kompania e produksionit pretendonte se ai nuk i kishte ofruar shërbimet e tij në mënyrë profesionale ose në përputhje me politikat e tyre të sjelljes.

Lexo po ashtu Kevin Spacey mund të ekstradohet në Mbretërinë e Bashkuar lidhur me akuzat për keqtrajtim seksual

Pavarësisht disa akuzave për vepra penale kundër tij, vetëm dy shkuan në gjykatë, por nuk ecën. Njëri ishte bërë nga një person që pretendonte se ishte sulmuar seksualisht, por vdiq para gjyqit dhe një tjetër ishte një grua e re që tërhoqi padinë.

Më shumë padi janë ngritur kundër Spacey në Mbretërinë e Bashkuar për pesë shkelje seksuale të kryera në Londër midis 2005 dhe 2013. /Telegrafi/