Katër pjesët e anashkaluara të trupit që duhet të lyhen me krem kundër diellit

Një hulumtim i kryer në Universitetin e Liverpulit ka zbuluar se qepallat, këndi i brendshëm i syve, buzët dhe ura e hundës, janë pjesët më të neglizhuara të trupit kur bëhet fjalë për mbrojtjen e lëkurës nga dielli.

Mbrojtja nga dielli gjatë verës nuk ka qenë kurrë më e rëndësishme. Shkalla e kancerit të lëkurës është rritur me shpejtësi në dekadat e fundit, sipas Akademisë Amerikane të Dermatologjisë, dhe një studim i vitit 2022 i publikuar në JAMA Dermatology sugjeron se numri i rasteve të reja mund të rritet me 50 për qind përpara vitit 2040.

Megjithatë, edhe nëse jeni të kujdesshëm me kremin tuaj kundër diellit, një studim evropian i vitit 2019 zbuloi se mesatarisht një person përdor më pak se gjysmën e sasisë së rekomanduar të kremit kundër diellit dhe harron ta riaplikojë kur është e nevojshme.

Lexo po ashtu Llojet e lëkurës që mund të digjen nga dielli brenda tre minutave

Përveç kësaj, ka vende që shpesh nuk arrijmë t’’i mbrojmë plotësisht. Studiuesit nga Universiteti i Liverpulit zbuluan se qepallat, këndi i brendshëm i syve, buzët dhe ura e hundës, janë pjesët më të anashkaluara të trupit kur bëhet fjalë për kujdesin ndaj diellit.

“Por, ato janë nga zonat më delikate të prira ndaj dëmtimit të diellit”, ka thënë Melanie Palm, dermatologe e certifikuar në klinikën Art of Skin.

Lexo po ashtu Këshilla si ta ruani më gjatë ngjyrën e lëkurës që keni marrë gjatë pushimeve

Dr. Christina Lee Chung, një dermatologe e certifikuar në Schweiger Dermatology Group në Filadelfia, shpjegoi pse duart, buzët dhe skalpi, juaj konsiderohen gjithashtu zona me rrezik të lartë për zhvillimin e kancerit të lëkurës.

“Kjo nuk është vetëm për faktin se ekziston rrezik më i madh për zhvillimin e kancerit të lëkurës, por kanceri i lëkurës që formohet në këto zona ka shkallë më të lartë të prognozës së keqe”, ka shpjeguar ajo. /Telegrafi/