Sot rrugët e Madridit ishin plot me dele, në vend të makinave

Rrugët e Madridit ishin të mbushura me dele dhe zhurma këmbanash të dielën, ndërsa barinjtë drejtonin kopetë e tyre nëpër zemër të kryeqytetit spanjoll, duke ndjekur rrugët e lashta sezonale të bagëtive.

Sipas mediave të huaja, përcjell Telegrafi, vendasit u rreshtuan anash rrugëve për të mirëpritur spektaklin, i cili u anulua vitin e kaluar për shkak të pandemisë së shkaktuar nga Covid-19.

Ngjarja vjetore, e cila filloi më 1994, u lejon barinjve të ushtrojnë të drejtën e tyre për të përdorur rrugët tradicionale për të grumbulluar bagëtitë e tyre nga Spanja veriore në kullotat më jugore për kullotje dimërore.

Rruga do t’i kishte çuar ata nëpër një fshat të qetë disa shekuj më parë, por sot i sheh ata të përshkojnë qytetin e ngarkuar.

“Është e mrekullueshme. Unë vij çdo vit dhe ky është viti i parë që i sjell fëmijët kështu që është e mahnitshme”, ka thënë Graciela Gonzalez, 39 vjeç.

Delet ecnin të “shoqëruara” nga zhurma e zileve të tyre të zhurmshme të qafës ndërkohë që barinjtë e veshur me veshje tradicionale shoqëruan tufat e tyre me muzikë popullore dhe vallëzim.

Dhe fëmijët, më shumë të mësuar të shohin bllokime trafiku në rrugët e qytetit shijuan mundësinë për t’u afruar me kafshët.

“Ne ndonjëherë mund t’i prekim ato”, thotë e entuziazmuar Carmen Iglesias, tetëvjeçare, e cila po shikonte spektaklin me babanë e saj dhe motrën e vogël Noa, gjashtë vjeçe. /Telegrafi/

https://www.youtube.com/watch?v=uz6Kpd0Us_A