Vërshimet kanë lënë pa shtëpi familjen Musliu nga Hasanbegu (Video)

Vërshimet e para një muaji kanë lënë shumë familje rrugëve, pa kulm mbi kokë. Ndër to është edhe familja Musliu, e cila përbëhet nga 6 anëtarë dhe të cilët momentalisht jetojnë te disa familjarë. Shabani dhe Shadija kanë 4 fëmijë, të gjithë në shkollë. Vështirësia e veçantë për ta, është dërgimi i fëmijëve dhe pritja e tyre deri në orët e vona. Momentalisht qëndojnë në Dizhon të Shkupit, meqë shtëpia e tyre është e pabanueshme, njofton Tv Shenja.

“Ne jemi prej Hasanbegut, jemi 6 anëtarë të familjes momentalisht jetoj te miku. Shtëpia nuk është për banim, është e prishur. Kushtet nuk i kemi. Tashmë kanë filluar shkolla, fëmijët çdo ditë i udhëtoj i dërgoj në shkollë dhe i pres derisa të lëshohen dy i kam para dite dy pas dite deri në mbrëmje duhet me i prit atje. Kushte nuk ka, me punu punë nuk ka momentalisht, me jetu në Hasanbeg nuk mundemi. Bëj apel që kush ka mundësi me e ndreq shtëpinë që të kthehemi përsëri atje”, deklaroi kryefamiljari Shaban Musliu.

Nëna Shadije, thot se fëmijët nuk kanë as libra dhe as fletore, edhe pse çdo ditë udhëtojnë 15 kilometra për të ndjekur procesin mësimor. Vështirësitë nuk kanë të ndalur, larg shtëpisë dhe familjarëve të tjerë, enden rrugëve me shpresë se gjithçka do të kthehet në normalitet.

“Nëse kanë mundësi me na ndihmu të kthehemi në shtëpijat tona, jemi pa shtëpi , s’kemi ku me shku. Jo momentalisht nuk ka niher. Jo jo s’ka as fletore as libra , Kanë premtu se të hënën do t’i japin, mirëpo nuk e dim po ose jo”, tha zonja Shadije Musliu.

Altini djali i vogël i familjes Musliu, thotë që prej atë natë, gjithçka që kanë arritur të vënë në trupin e tyre, është falë vullnetit të mirë të njerëzve human. Atë natë, kjo familje humbi gjithçka kishte përveç anëtarëve të familjes të cilët janë gjithsej.

“Prej atë ditë që janë bërë vërshimet ne skemi as këpucë, as rroba skemi asgjë. Jo nuk kemi asgjë. Jetojmë te daja prej në shkup neve duhet me udhëtu me veturë, për atë është vështirë”, deklaroi Altini i vogël.

Duke shpresuar në njerëz human dhe zemërmirë, familja Musliu shpreson që një ditë do të kthejnë gjithçka kishin deri atë natë. /Telegrafi/