Tabela e Ligës së Kampionëve pas xhiros së parë – vërehet një detaj interesant

Ka përfunduar raundi i parë i Ligës së Kampionëve, në një vështrim në tabelën me 36 skuadra dhe vërehet rëndësia që do të ketë diferenca e golave ​​këtë sezon.

Gara u zgjerua për edicionin 2024-25 dhe formati u transformua, kështu që skuadrat tani përballen me tetë kundërshtarë të ndryshëm – katër në shtëpi dhe katër jashtë – me të gjitha rezultatet që shkojnë në një tabelë të vetme.

Tetë të parat shkojnë direkt në raundin e 16-të, tetë të fundit eliminohen nga Evropa deri në sezonin e ardhshëm, ndërsa 16 të mesit shkojnë ballë për ballë në play-off për të arritur në fazën më tradicionale të eliminimit.

Me përfundimin e xhiros së parë, shihet se skuadrat fituese në krye të tabelës dhe Bayern Munich është lider falë fitores 9-2 ndaj Dinamo Zagrebit, një rezultat që bëri që skuadra kroate të shkarkojë tashmë trajnerin e tyre.

Celtic pason me një fitore 5-1 kundër Slovan Bratislavës dhe Bayer Leverkusen mposhti Feyenoord 4-0.

Pati disa rezultate tronditëse, pasi Barcelona humbi 2-1 nga Monaco, por u reduktua në 10 lojtarë pas vetëm 11 minutash nga kartoni i kuq i Eric Garcia.

Juventusi është skuadra e vetme italiane që ka fituar, 3-1 ndaj PSV Eindhoven, pasi Interi barazoi 0-0 me Manchester Cityn, Atalanta pati të njëjtin rezultat me Arsenalin dhe Bologna kundër Shakhtar Donetsk.

Milani është në fund pas humbjes 3-1 në shtëpi ndaj Liverpoolit, derisa Real Madridi triumfoi me shumë mund ndaj Stuttgartit. /Telegrafi/