‘Super ushqimi’ që po i mban në formë Ronaldon, Messin dhe Benzeman

Receta sekrete e suksesit për Cristiano Ronaldo, Lionel Messin dhe Karim Benzeman? Duke ngrënë rregullisht alga deti.

Pavarësisht se janë në të 30-at e tyre, super yjet po luajnë në nivelin më të lartë të lojës – duke dhënë më të mirën nga vetja në skuadrat ku luajnë.

Dhe suksesi i tyre brenda dhe jashtë fushës thuhet se është për shkak se ata i bëjnë algat e detit një element kryesor të dietave të tyre “super strikte” dhe shumë ushqyese.

Lexo po ashtu Benzema tundohet nga oferta që ka pranuar prej Arabisë Saudite

Kjo është sipas gazetave spanjolle Marca, të cilat pretendojnë se treshja janë ngrënës të rregullt të super ushqimit.

Alga deti është e mbushur me Spirulinë, e cila ka 70 për qind proteina dhe është e pasur me vitamina A, B1, B2, C, D, E dhe K.

Ai gjithashtu përmban Chlorella, e cila ka një numër 60 për qind proteinash që “ndihmon në ngadalësimin e plakjes dhe shumë më tepër”.

Lexo po ashtu Përveç futbollit, tifozët mbetën të mahnitur nga një tjetër aftësi e Ronaldos jashtë fushës

Thuhet se “përshpejton metabolizmin dhe eliminon toksinat nga trupi” me një ritëm më të shpejtë se sa do të ishte ndryshe.

Alberto Matteo, një kuzhinier privat i yjeve në Spanjë, është një fanatik i madh i konsumit të algave të detit.

“Ato përmbajnë vlera të mëdha ushqyese. Sepse me një sasi të vogël merrni shumë proteina bimore, të cilat trupi i sintetizon edhe më mirë se proteinat shtazore”, ka deklaruar fillimisht ai.

Lexo po ashtu "Do ta bëjmë më të mirën" - Messi pranon ofertë të jashtëzakonshme nga bashkëkombësi që i luan në Ligën Premier

“Unë besoj në fuqinë e jashtëzakonshme ushqyese të mikroalgave, burimeve të pakrahasueshme të acideve yndyrore të pangopura omega 3 dhe lipideve të tjera të shëndetshme, vitaminave, karotenoideve, antioksidantëve etj”.

“Kjo është arsyeja pse unë zakonisht përfshij spirulinën dhe klorellën në të gjitha pjatat e mia”, ka shtuar më tej Matteo.

Konsumi i algave të detit nga Ronaldo, Messi dhe Benzema po jep qartë efektin e dëshiruar pasi ata ende po arrijnë të shënojnë gola me bollëk.

Ronaldo ka shënuar 13 herë në 17 ndeshje për Al Nassr në Ligën Pro të Arabisë Saudite.

Ndërkohë, Messi këtë sezon ka 20 gola në të gjitha garat, edhe pse pritet të largohet nga Parisi në fund të sezonit aktual.

Sulmuesi i Real Madridit ishte më efektiv nga treshja – duke shënuar 44 gola në 46 paraqitje në të gjitha garat për Los Blancos sezonin e kaluar. Këtë vit ai ka zhvilluar 29 ndeshje në të gjitha garat. /Telegrafi/