Kishte qenë pre e bullizmit kur ishte e vogël, por tani Megan Fox konsiderohet si njëra nga aktoret më të bukura dhe të suksesshme.

Ajo është e martuar që 10 vite me Brian Austin Green, me të cilin thuhet se tashmë është ndarë, shkruan Foxnews.

Këto spekulime kanë rrjedhur pas një paraqitjeje të aktores së bashku me reperin Machine Gun Kelly. Megan dhe Kelly janë parë javët e fundit duke kaluar kohë së bashku, ndërsa ajo nuk e kishte unazën e martesës.

Megan Fox dhe Brian Austin Green (Foto: Andreas Rentz/Getty Images for Paramount Pictures International/Guliver)

Konfuzionin e shtoi edhe më shumë bashkëshorti i Megan, Brian përmes një postimi në rrjetin social Instagram.

Nëntë çiftet e famshme që i dhanë njëri-tjetrit një shansë të dytë, duke u ribashkuar pas ndarjes Nëntë çiftet e famshme që i dhanë njëri-tjetrit një shansë të dytë, duke u ribashkuar pas ndarjes

“Përfundimisht, fluturat mërziten të ulen në një lule për një kohë të gjatë. Ato fillojnë të ndjehen të copëtuara. Është një botë e madhe dhe ato duan ta provojnë atë”, ka shkruar ai.

Muajin e kaluar, një burim i tha E! se Green dhe Fox kanë jetuar veçmas gjatë gjithë pandemisë së coronavirusit. /Telegrafi/