Quique Setien është parë i lumtur pas fitores së Barcelonës në shtëpi ndaj Napolit me rezultat 3-1.

Barcelona fitoi 3-1 në Camp Nou ndaj Napolit në ndeshjen kthyese të 1/8-tës së Ligës së Kampionëve dhe kaloi në çerekfinale me një rezultat të përgjithshëm 4-2.

Kjo fitore dhe ky kualifikim e ka lumturuar trajneri Setien, i cili ka lavdëruar ekipin e tij, por edhe kundërshtarët pas ndeshjes.

Messi dhuron spektakël ndaj Napolit, Barcelona siguron plasmanin në çerekfinale të Ligës së Kampionëve Messi dhuron spektakël ndaj Napolit, Barcelona siguron plasmanin në çerekfinale të Ligës së Kampionëve

“Ky është hapi i parë i ndërmarrë mirë dhe tani shpresojmë t’i luajmë ndeshjet tjera me të njëjtin qëndrim që demonstruam këtu. Ekipi luajti mirë dhe ne e merituam këtë”, ka thënë fillimisht trajneri i Barcelonës pas ndeshjes.

Barcelona siguroi çerekfinalen pas fitores ndaj Napolit (Foto: David Ramos/Getty Images/Guliver)

“Në minutat e para Napoli na bëri të punojmë shumë. Ata janë një ekip i shkëlqyeshëm. Duhej të mbronim me shumë intensitet dhe angazhim”.

“Unë e kam uruar Gattuson për punën e jashtëzakonshme që po bën. Ai me të vërtetë ka zhvilluar ekipin e tij. Puna e tij është meritë e lartë dhe unë jam një admirues besnik i metodave të tij”.

Barcelona 3-1 Napoli, notat e lojtarëve: Messi tjetër nivel, shkëlqejnë edhe mbrojtësit e katalunasve Barcelona 3-1 Napoli, notat e lojtarëve: Messi tjetër nivel, shkëlqejnë edhe mbrojtësit e katalunasve

“Të gjithë rivalët që kanë mbetur janë të fortë dhe kanë mbetur vetëm ndeshje të ndërlikuara. Kështu do të jetë e vështirë për ne por edhe për Bayernin. Ata janë një skuadër e shkëlqyeshme, por edhe ne jemi.”

“Lionel mori një goditje të fortë në atë ndërhyrje nga Koulibaly, por nuk mendoj se do të bëhet një problem i madh për të”, përfundoi trajneri i Barcelonës. /Telegrafi/