Pioli flet për objektivat e Milanit këtë sezon dhe për De Ketelaeren

Stefano Pioli diskutoi cilësitë e nënshkrimit të ri Charles De Ketelaere dhe dëshirën e Milanit për të mbrojtur Scudetton e tyre në Serie A.

Kuqezinjtë kanë pasur një afat kalimtar mjaft të ngadaltë të transferimeve verore, me blerjen e tyre të vetme kryesore që është De Ketelaere nga Club Brugge.

Divock Origi gjithashtu iu bashkua klubit në një transferim të lirë dhe Yacine Adli më në fund është integruar në skuadër pas një viti shtesë në Francë, por tifozët shpresojnë për një ose dy nënshkrime të tjera para fundit të muajit.

Duke folur për La Gazzetta dello Sport, Pioli fillimisht diskutoi verën dhe mentalitetin e tij për sezonin e ardhshëm.

Lexo po ashtu De Ketelaere ëshë lojtar i Milanit, si mund ta shfrytëzojë Pioli në formacionet e tij belgun e talentuar

“Kjo ka qenë një verë e mrekullueshme, ne duam ta përsërisim. Për ta fituar duhet talent, për ta përsëritur duhet karakter”, ka thënë fillimisht Pioli.

“Këtë vit motivimi i skuadrës do të jetë më i lehtë, ne jemi më të fortë se një vit më parë. Do të luftojmë për të mbrojtur Scudetton dhe në Ligën e Kampionëve për t’u përmirësuar”.

#Pioli: ‘#DeKetelaere tra #Havertz e #Kakà per #Origi, #Leao felice di stare al #Milan. Ci mancano 2 acquisti, mai più sentito #Cardinale‘ https://t.co/jQigAYRf8T

— calciomercato.com (@cmdotcom) August 5, 2022

Trajneri kuqezi foli mirë për De Ketelaere, duke nënvizuar potencialin e talentit belg.

“Në perspektivë, në dy-tre vjet ai mund të bëhet një top lojtar evropian. U takuam në Milanello të mërkurën në mëngjes, së bashku me stafin i tregova video me disa nga konceptet tona të lojës”.

“Ai ishte shumë i vëmendshëm, mund të shihni nga ajo që tha se ai është shumë inteligjent, se ai e kupton futbollin”.

Lexo po ashtu De Ketelaere gati për debutimin me Milanin

“Dhe pastaj ai ka talent të madh, mund ta shihni nga mënyra se si e prek topin, ai është elegant, i bukur për t’u parë. E pyeta Origin, bashkëlojtarin e tij të kombëtares, për të dhe ai më tha, ‘ai është gjysmë Havertz dhe gjysmë Kaka’”.

“Ai do të luajë disa minuta në Vicenza të dielën me Pergolettese. Ka pritshmëri të rëndësishme, por është e drejtë t’i jepet kohë, unë për vete i thashë të mos nxitonte”, përfundoi trajneri italian. /Telegrafi/