Legjenda braziliane e Paris Saint-Germain dhe Barcelonës, Ronaldinho ka folur për vështirësitë e Lionel Messit te klubi francez.

Messi u vërshëllye nga tifozët e Paris Saint-Germain në Parc des Princes pasi klubi francez u eliminua nga Liga e Kampionëve në mënyrë të turpshme nga Real Madridi.

Messi nuk ishte i zakonshmi i tij në Santiago Bernabeu në ndeshjen e dytë, me het-trikun e vonshëm të Karim Benzemas që vendosi eliminimin e parisienëve.

Argjentinasi dhe ish-bashkëlojtari i tij te Barcelona, Neymar ishin subjekt i kritikave gjatë ndeshjes së tyre të radhës pas humbjes nga Los Blancos.

Tifozët e PSG-së 'gozhdojnë' Messin dhe Neymarin duke i vërshëllyer, Mbappen e duartrokasin Tifozët e PSG-së 'gozhdojnë' Messin dhe Neymarin duke i vërshëllyer, Mbappen e duartrokasin

Ronaldinho, duke folur për Diario AS, ka treguar se nuk e kuptonte një mosrespektim të tillë nga tifozët.

“Është e vështirë për Messin sepse ai erdhi pas shumë vitesh duke luajtur një futboll krejtësisht të ndryshëm në një klub që ka luajtur gjithmonë në të njëjtën mënyrë”, ka thënë fillimisht Ronaldinho.

“Atij thjesht i mungon përshtatja, por pjesa tjetër do të vijë natyrshëm. Është normale. Ai thjesht ka nevojë për kohë”.

“Nuk e kuptoj pse u vërshëllye Messi. Nëse e vërshëllen Messin, nuk ka më asgjë! Nëse vërshëlleni më të mirët në botë, kë do të duartrokisni? Nuk e kuptoj”, përfundoi braziliani.

Fabregas për vërshëllimat ndaj Messit: PSG nuk ka pasur kurrë asnjë lojtar të tillë në jetën e tyre Fabregas për vërshëllimat ndaj Messit: PSG nuk ka pasur kurrë asnjë lojtar të tillë në jetën e tyre

Ronaldinho e njeh mirë Messin, sigurisht, pasi ka luajtur me të te Barcelona midis viteve 2004 dhe 2008. Braziliani ishte lojtari më i mirë në botë për një periudhë dyvjeçare në mesin e viteve 2000.

I lindur në Porto Alegre, lojtari luajti 97 paraqitje për kombëtaren braziliane dhe shënoi 33 gola. Me Barcelonën ai luajti 207 ndeshje, duke kontribuar 94 gola dhe 71 asistime.

Ai gëzoi sukses të vërtetë në Camp Nou, duke fituar La Ligën dy herë, si dhe Ligën e Kampionëve në vitin 2006. Ai është gjithashtu një fitues i Kupës së Botës me Brazilin në vitin 2002. /Telegrafi/