Ministri i Jashtëm ukrainas, Kuleba: Konfiskoni asetet ruse për të ndihmuar rindërtimin e Ukrainës

Ministri i Jashtëm i Ukrainës, Dmytro Kuleba, u ka bërë thirrje vendeve të shtatë vendeve më të industrializuara në botë, G7 që asetet e sekuestruara ruse të shfrytëzohen për rindërtimin e Ukrainës.

Kuleba është takuar sot në Gjermani me ministrat e jashtëm të vendeve të G7, së bashku me Moldavinë.

Më herët, ministri i financave i Gjermanisë, Christian Lindner tha se do të mbështeste një veprim të tillë, raporton skynews.

Following @ZelenskyyUa’s talks with G7 leaders, today I asked G7 to seize Russian sovereign assets and give them to Ukraine for rebuilding our country. Russia must pay. Politically, economically, and financially. I appreciate the positive reaction of G7 countries to our request. pic.twitter.com/DpUoanoEtW

— Dmytro Kuleba (@DmytroKuleba) May 13, 2022

“Në rastin e aseteve të shtetit rus, unë jam në favor”, tha ai për të përjavshmen gjermane Der Spiegel.

Por ai shtoi se sqarimi i bazës ligjore për një veprim të tillë është ende i nevojshëm, “në rastin e aseteve private do të ishin si rastet e shpronësimit. Pengesat në shtetin tonë kushtetues janë të larta”.

Lexo po ashtu Zbulohen jahte dhe pasuri të tjera të fshehura të 15 oligarkëve të sanksionuar rus në Spanjë

Ndryshe, ministrat e financave të G7 do të takohen javën e ardhshme për të diskutuar financimin e rindërtimit të Ukrainës. /Telegrafi/