Liverpooli ka dalë në krye të tabelës për klubin më të suksesshëm anglez kur bëhet fjalë për shitjet e fanellave për këtë sezon.

Manchester City mund të ketë mposhtur Liverpoolin në garën për titullin e Ligës Premier sezonin e kaluar, por ekipi i Jurgen Klopp ishte në gjendje të siguronin trofeun e Ligës së Kampionëve.

Dhe Liverpooli, i cili është gati edhe për një tjetër sfidë për titullin e ligës këtë sezon, e ka mposhtur Arsenalin në renditjen e shitjeve të fanellave.

Liverpooli thyen rekordin e klubit për fitore radhazi në Ligën Premier Liverpooli thyen rekordin e klubit për fitore radhazi në Ligën Premier

Faqja e njohur për shitje ‘online’ Love the Sales, ka listuar klubet e Ligës Premier dhe ato të kategorive më të ulëta të futbollit anglez bazuar në shitjet e fanellave të tyre deri më tani.

Lojtarët e Liverpoolit gjatë prezantimit të fanellës së sezonit 2019/20

Liverpooli renditet në vendin e parë, ndërsa pasohet nga Arsenali, Unitedi dhe City, por befasi e kësaj liste është Huddersfield në vendin e gjashtë, edhe pse ka rënë një kategori më poshtë sezonin e fundit.

Ndërsa, në ‘top 20’ gjendet edhe ekipe tjera nga Championship si Leeds United dhe Nottingham Forest, ndërsa nuk mungon as Sunderland nga League One.

Lista e ekipeve që kanë shitur më shumë fanella: 

  1. Liverpool (Liga Premier)
  2. Arsenal (Liga Premier)
  3. Manchester United (Liga Premier)
  4. Manchester City (Liga Premier)
  5. Chelsea (Liga Premier)
  6. Huddersfield City (Championship)
  7. Tottenham Hotspur (Liga Premier)
  8. Aston Villa (Liga Premier)
  9. Newcastle United (Liga Premier)
  10. West Ham United (Liga Premier)
  11. Leeds United (Championship)
  12. Everton (Liga Premier)
  13. Wolverhampton Wanderers (Liga Premier)
  14. Leicester City (Liga Premier)
  15. Derby County (Championship)
  16. Nottingham Forest (Championship)
  17. Crystal Palace (Liga Premier)
  18. Norwich City (Liga Premier)
  19. Sunderland (League One)
  20. Stoke City (Championship)

/Telegrafi/