Klauzola e çuditshme në kontratën e Brahim Diaz, ku përfshihen klube si Man United, City, Real Madridi dhe Malaga

Real Madridi mund të ri-nënshkruajë me Brahim Diaz nga Milani verën e ardhshme dhe sipas Gazzetta Dello Sport, Manchester City do të marrë 40 për qind të tarifës së transferimit të tij nëse spanjolli më pas shitet te Manchester United.

Reprezentuesi spanjoll shënoi dy golash për Milanin kundër Monzas të shtunën, goli i tij i katërt në sezonin 2022-2023, një më shumë se sa arriti sezonin e kaluar.

Brahim është i huazuar te Milani nga Real Madridi dhe kuqezinjtë mund ta bëjnë lëvizjen e tij të përhershme për 22 milionë euro verën e ardhshme.

Megjithatë, Merengues mund të ri-nënshkruajnë me 23-vjeçarin për 27 milionë euro, nëse Milan vendos ta nënshkruajë atë përgjithmonë.

Sipas La Gazzetta, ka një klauzolë të përfshirë në kontratën e tij me Real Madridin, e cila do t’i lejojë Manchester Cityt të fitojë 40 për qind të tarifës së transferimit të tij nëse Brahim i bashkohet Manchester United nga Real Madrid.

Spanjolli u bashkua me Merengues nga Manchester City në janar të vitit 2019 dhe dy gjigantët evropianë ranë dakord të shtonin një klauzolë të tillë në marrëveshjen prej 17 milionë euro që e pa spanjollin të kalojë në Bernabeu.

Sipas raportimit, ish-klubi i tij – Malaga gjithashtu fiton 15 për qind të çdo shitje të ardhshme. /Telegrafi/

Finalmente “Messi malagueño”: questo è il Diaz che sognava Pep #Milan https://t.co/ng9RfPeuSU

— La Gazzetta dello Sport (@Gazzetta_it) October 23, 2022