Juventusi etiketon dy emra si pasues të Chiellinit

Juventusi po kërkon të forcojë vijën e fundit të mbrojtjes këtë verë dhe dy lojtarë në veçanti kanë rënë në sy: Gabriel Megalhaes i Arsenalit dhe Nikola Milenkovic i Fiorentinës.

Zonja e Vjetër po përgatitet për largimin emocional të qendërmbrojtësit veteran Giorgio Chiellini, i cili largohet nga Torino pas 17 vitesh shërbim këtë verë.

Prandaj, Massimiliano Allegri do të ketë nevojë për një mbrojtës të ri që të përpiqet të mbushë boshllëkun e lënë pas, dhe kërkimi i klubit ka filluar të nxehet.

Lexo po ashtu Chiellini pas finales në Coppa Italia: Do t’i them lamtumirë Juventusit, Interi ishte më i fortë

Sipas gazetës Tuttosport, Gabriel dhe Milenkovic janë aktualisht dy lojtarë që Juventusi po i konsideron seriozisht përpara afatit kalimtar të verës.

I pari nuk ka pasur një sezon shumë bindës në klubin londinez dhe mund të largohet me një marrëveshje huazimi, veçanërisht nëse William Saliba kthehet në Arsenal nga huazimi te Olympique Marseille.

Juventus, caccia al sostituto di Chiellini: pressing Milenkovic, l’altra pista porta in Premier https://t.co/ob9FBfpvvV

— TUTTOmercatoWEB (@TuttoMercatoWeb) May 15, 2022

Kontrata e të dytit skadon me Fiorentinën sezonin e ardhshëm dhe ai mund të nënshkruhet në një marrëveshje mjaft të përballueshme.

Juventusi ka kohë për t’u përgatitur përpara verës dhe ata e kuptojnë rëndësinë e nënshkrimit të një zëvendësuesi kryesor, por nuk do të jetë e lehtë për ta të harrojnë Chiellinin së shpejti. /Telegrafi/