Jennifer Lopez bëri që të gjithë t’i kthejnë sytë kah ajo me performancën që bëri në inaugurimin e presidentit të ri, Joe Biden.

Komiteti Presidencial i Përurimit (PIC) njoftoi javën e kaluar se 51 vjeçarja do jetë pjesë e listës së artistëve që do këndojnë në ceremoninë e inaugurimit të Biden dhe Kamala Harris.

Pas interpretimit të Lady Gagas, ylli amerikan interpretoi disa nga hitet përfshirë këtu, “This Land Is Your Land” dhe “America The Beautiful”.

Foto: New York Post

Për momentin historik, Jennifer kishte veshur një kostum të bardhë shkëlqyes të markës ‘Channel’.

Performanca e Lopez mori vlerësime të larta edhe në Twitter.

“Dhe presidentja e ardhshme e Amerikës do të jetë Jennifer Lopez”, ka shkruar një përdorues i Twitter.

Foto: Mother Jones

“Jennifer Lopez ishte e mrekullueshme. Më pëlqeu performanca e This Land Is Your Land dhe America the Beautiful në ditën e inaugurimit”, shtoi tjetri.

“Jlo ishte e mrekullueshme. Nuk e kisha menduar ndonjëherë që do t’i godiste këto nota të larta kaq shumë”.

“Jennifer Lopez vërtet befasoi sot”, vazhdoi tjetri.

Foto: Fox 9

Joe Biden (78 vjeçar) ndërkaq ka fituar kundër kandidatit nga radhët e republikanëve, Donald Trump në zgjedhjet presidenciale të 3 nëntorit. /Telegrafi/