Dua Lipa duket elegante me fustan të zi, pas mbarimit të mbrëmjes madhështore të Met Gala 2023

Dua Lipa doli me një fustan të zi të shkurtër të martën në qytetin e New Yorkut, pas paraqitjes së saj glamuroze në Met Gala 2023.

Ylli 27-vjeçar i muzikës pop veshi një fustan të zi me material lëkure së bashku me një xhaketë lëkure të përshtatshme ndërsa po dilte nga hoteli i saj në Upper East Side.

Ajo kompletoi veshjen e saj elegante me çorape të zeza transparente dhe taka të zeza me majë, shkruan DailyMail.

Këngëtarja e hitit “Don’t Start Now” kishte një palë syze dielli të zeza, vathë të varur dhe byzylykë.

Lexo po ashtu Nga Rita Ora, Dua Lipa e deri te Kim Kardashian - paraqitjet më të bukura në Met Gala 2023

Dua kishte ngritur flokët e saj të errëta në një topuz dhe makijazhi i saj theksohej nga një buzëkuq të kuq.

Këngëtarja fituese e çmimit “Grammy” ua bëri dorë fansave të saj teksa po dilte nga hoteli.

Dua u lajmërua në rrjetet sociale të martën për të reflektuar mbi pjesëmarrjen e saj në natën më të madhe të modës.

“E hëna e parë e majit. Një nder për mua të të bashkë-organizoja Met Gala këtë vit duke bërë homazhe për Karl Lagerfeld dhe trashëgiminë e tij të jashtëzakonshme. Faleminderit Anna dhe Vogue që më patët si pjesë tuajën”, shkroi Dua në Twitter.

Tematika e veshjeve sivjet në Met Gala ishte “Karl Lagerfeld: A Line of Beauty” – si dedikim ndaj stilistit kontrovers gjerman të modës, i njohur për punën e tij me markën “Chanel”, i cili vdiq në vitin 2019.

Dua i qëndroi tematikës teksa veshi fustanin ikonik të Claudia Schiffer të vitit 1992 në Met Gala 2023, i cili u mbajt në Muzeun Metropolitan të Artit. /Telegrafi/