Derbi i zjarrtë në Kupën e Italisë, formacionet e mundshme Inter-Juventus

Në Giuseppe Meazza zhvillohet ndeshja e parë gjysmëfinale e Kupës së Italisë ndërmjet Interit dhe Juventusit.

Nerazzurrët janë pa të suspenduarit Romelu Lukaku dhe Achraf Hakimi, derisa Bianconerët pritet ta nisin ndeshjen me Cristiano Ronaldo e Dejan Kulusevski në sulm.

Juve kërkon hakmarrje pas humbjes në Serie A, ndërsa gjasat janë të mëdha që në portë të startojë veterani Gianluigi Buffon.

⚽ Lo scontro verbale tra #Ibrahimovic e #Lukaku durante il derby di Coppa Italia#calcio #InterMilan #CoppaItalia pic.twitter.com/po2EnarQ5f

— RaiSport (@RaiSport) January 26, 2021

Antonio Conte do t’i qëndrojë besnik formacionit 3-5-2 duke i dhënë një tjetër shans Alexis Sanchezit në sulm me Lautaro Martinezin, derisa Christian Eriksen pritet të jetë në bankën rezervë.

Milan Skriniar, Stefan de Vrij e Alessandro Bastoni janë treshja e mbrojtjes, me Darmian e Ashley Young në krahë. Nicolo Barella, Marcelo Brozovic e Arturo Vidal do ta përbëjnë mesfushën.

Andrea Pirlo pritet të angazhojë në qendër të mbrojtjes Leonardo Bonucci dhe Matthijs de Ligt, derisa Danilo e Alex Sandro do të jenë mbrojtës krahu.

Juan Cuadrado, Rodrigo Bentancur, Arthur Melo e Weston McKennie do ta kompletojnë mesfushën në formacionin 4-4-2.

---

Formacionet e mundshme

Inter: Handanovic; Skriniar, De Vrij, Bastoni; Darmian, Barella, Brozovic, Vidal, Young; Lautaro Martinez, Sanchez.

Juventus: Buffon; Danilo, Bonucci, De Ligt, Alex Sandro; Cuadrado, Bentancur, Arthur, McKennie; Kulusevski, Cristiano Ronaldo.

---

/Telegrafi/