I dashuri e uron Bebe Rexhën për ditëlindjen e 32-të me fotografi të dyshes në çaste të ëmbla me njëri-tjetrin

Artistja shqiptare me renome botërore, Bebe Rexha, këtë javë ka festuar ditëlindjen e saj të 32-të.

Me këtë rast, ajo ka marrë urime të shumta nga miqtë, kolegët dhe familjarët e saj, gjersa për një nga urimet më të përzemërta, duket se është kujdesur i dashuri i saj.

Ajo ka kohë që është në lidhje me kineastin Keyan Safyari, me të cilin edhe u paraqit së fundmi në promovomin e koleksionit të ri të “Dolce dhe Gabanna” në Venedik.

Keyan vendosi që së fundmi përmes disa fotografive të publikuara në rrjetin social Instagram, t’i urojë të dashurës së tij ditëlindjen.

Ai ka ndarë me ndjekësit e tij pesë fotografi të ndryshme të çiftit, ku shihen të lumtur në krahët e njëri-tjetrit.

“Urime ditëlindjen dashuria ime”, ka shkruar Keyan në mbishkrimin e këtyre imazheve – në një prej të cilëve shihet duke i dhënë një përqafim të zjarrtë nën shpatullat e tij artistes shqiptare.

Bebe Rexha ndërkohë vazhdon të shijojë suksesin e albumit të saj më të fundit, “Better Mistakes”, të cilin e nxori në shitje në maj të këtij viti.

Në një intervistë ekskluzive për Telegrafin të dhënë këtë verë, këngëtarja shqiptare e kalibrit botëror u shpreh se dëshiron me patjetër që në një të ardhme të vizitojë Kosovën për herë të parë.

“Unë thjesht, me të vërtetë nuk mund të pres deri sa të vijë ai moment. Është si një ëndërr dëshira për të ardhur në Kosovë, ndoshta do të vij këtë vit, ose ndoshta në vitin e ardhshëm, unë me të vërtetë dua të shkoj atje. Ndoshta do të vij edhe më herët nga sa e mendoni, do të më pëlqente, ka qenë një ëndërr e imja prej kohësh ta vizitoj Kosovën”, ka thënë interpretuesja e hitit “Meant to be”. /Telegrafi/