Dani Ceballos ka zbuluar se Unai Emery luajti një rol të rëndësishëm në vendimin e tij për t’u bashkuar me Arsenalin këtë verë.

Mesfushori spanjoll do të kalojë këtë sezon në huazim te klubi nga Londra para se të kthehet në Real Madrid në verën e ardhshme.

Ky vendim sipas tij ka ardhur pasi është bindur nga trajneri i Topçinjve, Emery.

Zyrtare: Dani Ceballos kalon nga Real Madridi te Arsenali Zyrtare: Dani Ceballos kalon nga Real Madridi te Arsenali

“Jam me të vërtetë krenar që mund ta vesh këtë fanellë”, ka thënë fillimisht Ceballos për faqen zyrtare të Arsenalit.

“Po bashkohem me një skuadër historike të Ligës Premier dhe është një hap përpara në karrierën time”.

“Trajneri Emery ishte një pikë kthese për sa i përket bashkimit me këtë klub të madh. Ai është spanjoll dhe më njeh nga koha ime në klubet e tjera”.

“Ai është një trajner shumë taktik dhe mendoj se kjo do të më ndihmojë me të vërtetë për të përsosur pozicionimin tim”.

“Mendoj se të dy do të përpiqemi të bëjmë më të mirën për të më bërë një lojtar më i mirë”, përfundoi mesfushori spanjoll. /Telegrafi/