Bale dhe Asensio shkëlqejnë, kampionët e Evropës të fortë për ‘Zonjën e Vjetër’

Real Madrid ka arritur fitore të lehtë në përballje me Juventusin 3-1 në International Champions Cup.

Ndeshjen më mirë e nisën kampionët e Italisë të cilët vetëm pas 12 minutave e gjetën golin e parë.

Transferimi i ri i Juventusit, Joao Cancelo harkoi në zonë, ndërsa Dani Carvajal i Realit në tentim për ta larguar topin e dërgoi në rrjetë për 0-1.

Reali pas golit të pranuar morri iniciativën dhe kërkoi me çdo kusht barazimin e rezultatit.

Një gjëje të tillë madrilenët ia arritën në minutën e 39-të, kur Gareth Bale shënoi një gol të bukur nga distanca për 1-1.

Me rezultatin e barabartë përfunduan 45 minutat e para të kësaj sfide.

Kampionët në fuqi të Evropës treguan forcën në pjesën e dytë ku shënuan edhe dy gola.

Ishte super talenti spanjoll, Marco Asensio që shënoi dy gola pas inkuadrimit në lojë nga banka rezervë.

Vinicius Junior dhe Lucas Vasquez ishin asistues në golat e shënuar nga Asensio.

Kësisoj Reali e shënon fitoren e parë në SHBA, pas humbjes nga Manchester United.

Tri ditë më vonë, Los Blancos do të përballen me Romën në New Jersey. /Telegrafi/