Zayn Malik planifikon të martohet me Gigi Hadid

Zayn Malik dhe Gigi Hadid kanë pushtuar tabloidet botërore kohëve të fundit pas ngjarjeve të shumta që ndodhën në jetën e tyre.

Çifti pak javë më parë tronditën të gjithë kur zbuluan se ata po bëhen prindër për herë të parë dhe tani planet për martesë nuk janë të çuditshme.

Një burim për HollywoodLife ka thënë se Zayn është i vendosur për të ndërmarrë këtë hap me supermodelen.

“Zayn është i vendosur të martohet me Gigin. Ata nuk kanë bërë asnjë njoftim në lidhje me një fejesë, por është vetëm çështje kohe. Ata planifikojnë një dasmë të madhe”.

Lexo po ashtu A e zbuloi Gigi Hadid gjininë e foshnjës në ditëlindjen e saj të 25-të?

Burimi ka rrëfyer se ylli amerikan ka një marrëdhënie të shkëlqyer me prindërit e Zayn dhe se ata takohen shumë shpesh.

“Gigi ka një marrëdhënie të shkëlqyeshme me familjen e Zayn, ata e duan atë dhe sa më shpejt që të mund të udhëtojnë do duan të vijnë në Amerikë për të festuar për foshnjën e tyre. Nëna e Gigit dhe mamaja e Zayn flasin gjatë gjithë kohës dhe ata kanë një ftesë të hapur për të ardhur dhe për të qëndruar në fermë”.

Një burim tjetër i tha revistës se ndërsa gjërat në të kaluarën kishin qenë të lëkundshme për ata të dy, tani janë shumë të lumtur me njëri-tjetrin.

“Zayn dhe Gigi kanë pasur uljet-ngritjet e tyre, por tani gjithçka është mirë. Ata të dy e dinë se kanë gjithë ndihmën dhe mbështetjen në botë dhe mezi presin për atë që do të sjellë e ardhmja. Me të vërtetë foshnja ka vendosur një shkëndijë në marrëdhënien e tyre”. /Telegrafi/