Jose Mourinho i mblodhi lojtarët e tij në fushë për një fjalim motivues pas humbjes së tyre në Derby della Capitale.

Roma pësoi me rezultat 3-2 nga Lazio në Stadio Olimpico në ndeshjen e javës së gjashtë në Serie A, ndërsa kjo ishte humbja e dytë për skuadrën e portugezit.

Dhe derisa trajneri i Bianconcelestëve, Maurizio Sarri, shkoi drejt Curva Nord duke mbajtur një maskotë përballë tifozëve të vet, ‘Special One’ u kërkoi futbollistëve të tij që të mblidheshin në mes të fushës.

(Foto: Screenshot/Twitter)

Aty, 58-vjeçari mbajti një fjalim, megjithatë refuzoi të tregonte se çfarë u tha lojtarëve të tij pas përfundimit të ndeshjes.

“Është diçka e fshehtë, njësoj sikurse çdo gjë që i themi njëri-tjetrit në zhveshtore. Doja ta bëja aty (në fushë), por ishte njësoj sikurse në zhveshtore”, ka thënë Mourinho për DAZN. /Telegrafi/