U pa duke bërë ‘selfie’ në varrimin e Peles, Infantino tenton të sqarojë situatën

Presidenti i FIFA-s, Gianni Infantino shkaktoi skandal pasi u xhirua duke buzëqeshur dhe duke bërë një foto selfie me një tifoz pranë arkivolit të hapur të Peles, pas së cilës ai shkoi në Instagram për të shpjeguar këtë gjë.

I pari i futbollit bëri një gjë të pa menduar mirë, ndoshta pa e ditur se dikush mund të kapte momentin teksa pozonte me një fans të buzëqeshur pranë arkivolit të Peles, e ku pasuar shumë kritika pas kësaj drejt tij.

“Më ka nderuar fakti që ish-shokët e skuadrës dhe familjarët e Peles donin një foto së bashku. Unë menjëherë rashë dakord. Ish-shoku i skuadrës së Peles më kërkoi të bëja një selfie, pasi ai nuk dinte si ta bënte këtë. Meqenëse doja vetëm të ndihmoja, mora telefonin në dorë dhe bëra një foto”, ka shkruar presidenti i FIFA-s në Instagram dhe ka shtuar:

View this post on Instagram

A post shared by Gianni Infantino – FIFA President (@gianni_infantino)

“Shpresoj që ata që botuan apo thanë gjëra pa dije të kenë nderin dhe guximin të pranojnë se kanë gabuar dhe të korrigjojnë atë që kanë thënë”, përfundoi Infantino.

Pele u varros dje në një ceremonie private./Telegrafi/