Statistikat zhgënjyese të Messit ndaj Realit prej se u largua Ronaldo

Largimi i Cristiano Ronaldos nga Real Madridi duket të ketë ndikuar në zbehjen e motivimit të Lionel Messit në përballjet direkte me rivalin më të madh të Barcelonës.

Superylli portugez në vitin 2018 vendosi të kërkonte një sfidë të re duke u larguar nga Los Blancos për ta vazhduar karrierën në Serie A te Juventusi.

Duke qenë dy superyjet më të mëdha të futbollit dhe derisa luanin për dy klubet me rivalitet të madh, kur përballeshin me njëri-tjetrin, ata me javë të tëra ishin kryetemë e mediave sportive.

Mirëpo, pas largimit të CR7 nga Reali, efekti e ka prekur edhe vet Messin, duke qenë se statistikat e tij ndaj Mbretërve janë zhgënjyese.

Lexo po ashtu U detyrua ta ndërrojë fanellën shkaku shiut të madh, dalin pamjet se si dridhej Messi nga ftohfti në 'El Clasico'

Në periudhën ‘post-Ronaldo’, argjentinasi i ka zhvilluar shtatë ndeshje kundër Madridit në të gjitha garat, gjegjësisht 567 minuta, ndërsa në këtë periudhë nuk ka shënuar asnjë gol dhe nuk ka dhuruar asnjë asistim. /Telegrafi/

0 – Lionel Messi 🇦🇷 has made seven shots, more than any other league #ElClasico without scoring (alongside November 2005 at Bernabéu). The Argentinian are suffering his worst run without involving vs @realmadriden (seven games in a row in all comps). Soaked#RealMadridBarcelona pic.twitter.com/ZrmBG7JxkM

— OptaJose (@OptaJose) April 10, 2021