Donny Van de Beek është njëri nga futbollistët më të talentuar të Ajaxit.
Mesfushori holandez edhe pse ka mbetur nën hijen e treshes De Ligt, De Jong e Neres ka pasur një sezon fantastik.
21-vjeçari ka shënuar 14 gola dhe ka dhuruar 10 asistime në 48 ndeshjet zyrtare këtë edicion me Ajaxin.
Reprezentuesi i Holandës është duke u ndjekur nga shumë skuadra të mëdha evropiane pas formës së shkëlqyer.
Donny van de Beek (Foto: Michael Steele/Getty Images/Guliver)
Tottenham Hotspur, Arsenal, Chelsea, Roma, Inter, Borussia Dortmund dhe Atletico Madrid janë skuadrat e interesuara për transferimin e holandezit.
Mediat holandeze kanë raportuar se Ajaxi tanimë i ka vendosur edhe çmimin e largimit yllit të tyre të ri.
Lideri aktual i Eredivisie synon që të fitojë rreth 40 milionë euro nga shitja e Van de Beek. /Telegrafi/
