Rozana Radi thotë se vuan nga hipokondria

Këngëtarja shqiptare, Rozana Radi, së fundmi ka qenë pjesë e “Jo vetëm modë”, ndërsa ka folur më shumë për këtë periudhë vetë-izolimi.

Ajo ndër tjerash ka rrëfyer se vuan edhe nga hipokondria dhe siç e ka sqaruar është një gjendje që e bën të jetë e shqetësuar gjatë gjithë kohës, edhe kur nuk ka asnjë sëmundje.

“Hipokondria quhet. Është një lloj sëmundje që e kalojnë të gjithë studentët e vitit të dytë të mjekësisë në fakultet, të cilët lexojnë shumë dhe mendojnë që çdo gjë që lexojnë, çdo sëmundje e kanë në trup. Unë këtë e përjetoj çdo ditë të jetës time, sikur vazhdoj të mbetem në vit të dytë në fakultet, kjo më bën të ndihem dhe e re në moshë gjithmonë. Unë jam hipokondrike”, ka thënë ajo.

Ndërkohë, Rozana tregon se në këtë kohë pandemie i janë shtuar frikërat dhe pranon se edhe nëse nuk do të ishte hipokondrike, sërish do të përpiqej të ishte e kujdesshme.

Lexo po ashtu Të gjitha lajmet nga Rozana Radi

“Janë shumuar frikërat e mia, megjithatë këto ditë që dola, jo se nuk kam qenë e kujdesshme por me shqetësojnë njerëzit që nuk respektojnë distancat. Edhe nëse do të isha pa simptoma, do ta kisha kaluar si sëmundje, do mundohesha të ruaja distancat sepse do të doja një botë të pastër, pa epidemi dhe sociale”, ka thënë mes të tjerash Radi.

View this post on Instagram

Mos i ik modes dhe ne kohe karantine 😍🦠 @uniforma_paff flm per maskat e personalizuata qe me realizuat.

A post shared by 🆁🅾🆉🅰🅽🅰 🆁🅰🅳🅸 🥀 (@rozana_radi) on Apr 16, 2020 at 7:04am PDT

Çfarë është hipokondria?

Hipokondria është një çrregullim ku një person është plotësisht i preokupuar me frikën e një sëmundjeje të rëndë dhe serioze.

Simptomat më të zakonshme të kësaj sëmundje janë:

– Frika ose shqetësimi i tepruar që një sëmundje e caktuar është e pranishme

– Shqetësimi që simptomat e vogla tregojnë një sëmundje serioze

– Vizita të shpeshta te mjeku për këshillim për simptoma të veçanta

– Marrëdhënie shoqërore të panatyrshme – Leximi obsesiv i temave të shëndetit

– Zbavitje emocionale – Ankthi i shpeshtë dhe kontrollimi i simptomave fizike

– Kontrollon shpesh shenja vitale, të tilla si puls apo presion gjaku

– Besimi se keni sëmundje pasi keni lexuar ose dëgjuar për të

/Telegrafi/