LAJMI I FUNDIT:

Një hap prapa, Kosova pëson nga Maqedonia

Një hap prapa, Kosova pëson nga Maqedonia

Përfaqësuesja e Kosovës në basketboll ka pësuar humbje prej 87-74 nga Maqedonia dhe ka bërë një hap prapa në ndeshjet para-kualifikuese për Kampionatin Botëror.

Skuadra mysafire e nisi më mirë sfidën dhe vazhdoi ta kishte kontrollin gjatë çerekut të parë, të cilin e mbylli me tri pikë epërsi (19:22).

Edhe pse në çerekun e dytë vazhdoi loja e mirë e basketbollistëve tanë, kah fundi i këtij fraksioni pati një rënie në lojën tonë dhe këtë pjesëlojë e fituan maqedonasit (21:19).

Sidoqoftë, falë lojës më të mirë nga çereku i parë, Kosova shkoi në pushim me epërsi prej një pike (40-41).

Fisnik Rugova me 15 pikë, ishte më i miri në pjesën e parë, ndërsa Dardan Berisha nuk ishte në formën e tij më të mirë.

Ekipi vendas luajti shumë më mirë në çerekun e tretë duke shënuar dhjetë pikë më shumë se basketbollistët vizitorë (23:13), ashtu që çereku i tretë përfundoi me shifrat 63-54.

Maqedonasit vazhduan të ishin më të vëmendshëm në fraksionin e fundit, ndërkohë që aksionet e përfaqësueses sonë nuk ishin të duhurat dhe kjo bëri që Kosova të pësonte humbje me rezultat 87-74.

Theksojmë se ndeshja u zhvillua pa tifozë, pasi që përmes një njoftimi nga Federata e Basketbollit të Maqedonisë (MKF) u arsyetua se për shkaqe sigurie nuk pati shitje të biletave për këtë ndeshje dhe se ky vendim ishte marrë në konsultim me autoritetet kompetente.

Megjithatë disa të ftuar nga MKF që ishin në palestër, bënin tifo duke bërë që të dukej sikur ekipi i Maqedonisë të kishte tifozët e pranishëm.

Kujtojmë se në takimin e parë të luajtur në Prishtinë, Kosova e mposhti Maqedoninë me shifrat 72-68, por përfaqësuesja jonë në mesjavë pësoi disfatë (76-50) në Tallinn nga Estonia.

Prandaj, e ardhmja e Kosovës në këto kualifikime do të varet nga ndeshja e ardhshme ndaj Estonisë. /Telegrafi/

Në trend Sport

Më shumë
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Barcelona ka dy javë kohë për të zgjedhur numrin 10 – në klub kanë tri opsione

Barcelona ka dy javë kohë për të zgjedhur numrin 10 – në klub kanë tri opsione

La Liga
Nuk ishte vetëm dëshira e Mbappes, te PSG zbulojnë se kush tjetër konsiderohet fajtor për largimin e francezit

Nuk ishte vetëm dëshira e Mbappes, te PSG zbulojnë se kush tjetër konsiderohet fajtor për largimin e francezit

Ligue 1
“Nuk pendohem që e shita, ishte marrëveshje e mirë” - pronari i Cluj flet pas shitjes së Ermal Krasniqit

“Nuk pendohem që e shita, ishte marrëveshje e mirë” - pronari i Cluj flet pas shitjes së Ermal Krasniqit

Ligat tjera

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
Kalo në kategori