LAJMI I FUNDIT:

Nga Modric te Ferndandes e De Jong – 23 futbollistët që rrezikojnë mungesën në gjysmëfinale në rast të ndëshkimit me karton të verdhë

Nga Modric te Ferndandes e De Jong – 23 futbollistët që rrezikojnë mungesën në gjysmëfinale në rast të ndëshkimit me karton të verdhë
(Fotomontazh: Daily Mail)

Bruno Fernandes, Luka Modric e Frenkie de Jong, janë në mesin e 23 futbollistëve që rrezikojnë mungesën në gjysmëfinale të Kampionatit Botëror, në rast se ndëshkohen me kartonë të verdhë në sfidat çerekfinale.

Sportsmail e ka publikuar listën me lojtarët që duhet t’i shmangin kartonët, në mënyrë që të luajnë në gjysmëfinale në rast se ndodh kualifikimi i përfaqësueseve të tyre.


Kroacia

(Foto: Getty Images)

Skuadra ballkanike luan kundër Brazilit në çerekfinale, ndërsa Zlatko Dalic duhet të kujdeset për katër futbollistë që të mos ndëshkohen.

Në mesin e tyre është kapiteni legjendar, Luka Modric, i cili duhet të jetë shumë i kujdesshëm, pastaj Dejan Lovren, Borna Barisic e Mateo Kovacic.

Brazili

(Foto: Reuters)

Selecao është ndër favoritët për ta fituar turneun e sivjetmë, ndërsa Fred, Bruno Guimaraes e Eder Militao, duhet të jenë të kujdesshëm që të mos marrin kartonë në sfidën çerekfinale ndaj Kroacisë, në mënyrë që të mos mungojnë në gjysmëfinale.

Anglia

(Foto: Getty Images)

Tre Luanët kanë qenë të disiplinuar dhe Gareth Southgate nuk duhet të shqetësohet për ndonjë mungesë eventuale, sepse asnjëri nga futbollistët e tij nuk ka marrë karton të verdhë.

Meqenëse kartonët do të rivendosen pas ndeshjeve çerekfinale, Anglia mund të përballojë të zhvillojë ndeshje më fizike kundër Francës.

Franca

(Foto: AP)

Les Bleus kanë dy lojtarë, të cilët duhet të jenë të kujdesshëm në sfidën e çerekfinale ndaj Anglisë.

Ylli i Barcelonës, Jules Kounde dhe ai i Real Madridit, Aurelien Tchouameni, duhet t’i shmangin kartonët në mënyrë që të luajnë në gjysmëfinale në rast të kualifikimit të Francës.

Maroku

(Foto: Getty Images)

Befasia e Botërorit eliminoi Spanjën dhe do të ndeshet me Portugalinë e Cristiano Ronaldos në çerekfinale.

Në rast se ekipi afrikan bën një tjetër befasi të madhe, atëherë Sofyan Amrabat, Abdelhamid Sabiri dhe Romain Saiss, duhet t’i shmangin kartonët e verdhë, në mënyrë që të luajnë në gjysmëfinale me fituesin e duelit Francë-Angli.

Portugalia

(Foto: Getty Images)

Portugalia ka më së shumti lojtarë të rrezikuar për mungesë potenciale në gjysmëfinale të Kampionatit Botëror.

Bruno Fernandes, Danilo Pereira, Ruben Neves, Joao Felix e Ruben Dias, duhet të jenë shumë të kujdesshëm në sfidën ndaj Marokut që të mos ndëshkohen me kartonë.

Holanda

(Foto: Getty Images)

Katër lojtarë të Louis van Gaal rrezikojnë të mos luajnë në gjysmëfinale në rast se përfaqësuesja e tyre vazhdon tutje.

Matthijs de Ligt, Nathan Ake, Frenkie de Jong e Teun Koopmeiners, duhet të kenë kujdes nga ndëshkimi në sfidën përballë Argjentinës.

Argjentina

(Foto: Getty Images)

Përfaqësuesja e Lionel Messit i ka vetëm dy lojtarë të rrezikuar që duhet të mos ndëshkohen në takimin ndaj Holandës.

Mbrojtësit e krahut, Gonzalo Montiel e Marcos Acuna, nuk duhet të marrin kartonë në ndeshjen çerekfinale. /Telegrafi/

/Telegrafi/

Në trend Sport

Më shumë
E mposhti Furyn me spektakël, por Usykut do t’i hiqet titulli kampion i peshave të rënda në boks

E mposhti Furyn me spektakël, por Usykut do t’i hiqet titulli kampion i peshave të rënda në boks

Boks
Shpërthen ‘bomba’ në Spanjë: Dyshohet për një ndeshje të trukuar në La Liga

Shpërthen ‘bomba’ në Spanjë: Dyshohet për një ndeshje të trukuar në La Liga

La Liga
Tek Arsenali të sigurt se do shpallen kampionë – dalin pamjet duke prezantuar trofeun

Tek Arsenali të sigurt se do shpallen kampionë – dalin pamjet duke prezantuar trofeun

Premier League
Cristiano Ronaldo tregohet dinak kur parashikon fituesin e Ligës Premier këtë sezon

Cristiano Ronaldo tregohet dinak kur parashikon fituesin e Ligës Premier këtë sezon

Ndërkombëtare
Fjalët e para të Usyk pasi u shpall kampion i padiskutueshëm i peshave të rënda në boks

Fjalët e para të Usyk pasi u shpall kampion i padiskutueshëm i peshave të rënda në boks

Boks
Bayern Munich e bën zgjedhje të parë për stolin trajnerin e njohur të Ligës Premier

Bayern Munich e bën zgjedhje të parë për stolin trajnerin e njohur të Ligës Premier

Bundesliga
Kalo në kategori