Modelja e cila mbylli instalacionin “New York to Dublin” për shkak të ekspozimit të gjoksit, kishte akuzuar Kanye Westin për homoseksualizëm

Ava Louise ishte në trend kohët e fundit pasi një dalje e saj para portalit futuristik ‘New York to Dublin’ bëri që ai të mbyllej përkohësisht pasi tregoi gjoksin e saj drejt audiencës që po e shikonte nga kryeqyteti irlandez.

Pasi tregoi gjoksin e saj të ekspozuar, ajo tha se thjesht donte t’u tregonte popullit irlandez “patatet e saj të rritura në shtëpi”, shkruan Marca.

Titujt sollën në plan të parë një tjetër moment të diskutueshëm që përfshinte modelen OnlyFans në fillim të vitit 2021, kur ajo la të kuptohej se Kanye West ishte homoseksual pasi ai u nda nga Kim Kardashian dhe e tradhtoi atë me grimieren transgjinore Jeffree Star.

“Ky është informacioni që më vjen, dhe këtë më tha një burim shumë i mirë. Miku im është një avokat i madh në Los Angeles dhe ai u takua me Kim [Kardashian] muaj më parë dhe e informoi atë për të gjitha këto duke ofruar prova. Do të doja t’ju tregoja provën, por nuk mundem”, shpjegoi Louise në një TikTok në atë kohë.

Ai publikim u bë aq i popullarizuar sa që arriti menjëherë në rrjetet e tjera sociale të njohura, si ‘X’ (në atë kohë Twitter), të cilat ishin të mbushura me meme dhe batuta.

Aq sa vetë grimierja duhej të dilte dhe të shpjegonte se thashethemet nuk ishin të vërteta.

“Gjërat më broçkulla që kam lexuar ndonjëherë gjatë gjithë jetës sime. Unë jam beqare. Nuk jam duke fjetur me njerëz përreth”, shpjegoi Jeffree Star.

Louise, e cila u bë e njohur për ‘sfidën e koronavirusit’ që bëri gjatë pandemisë Covid-19, hodhi një teori të egër, të cilën ajo nuk mund ta mbështeste me asnjë provë.

Në atë kohë, kjo influencere arriti afro 200,000 ndjekës në profilin e saj në Instagram (aktualisht ajo ka afër 500,000) falë pamjeve të saj shumë të diskutueshme. /Telegrafi/